話說我讀小學嘅時候做過本中文暑期作業
每個單元都有個故事連住, 例如解咗啲謎語就有攞到下一部分尋寶地圖嘅密碼
又有好多小學雞笑話, 一度做一度笑
大學讀完 PGDE 之後搵返呢個系列, 再查一查, 發現出份暑期作業嘅出版社已經執咗, 個作者去咗幫 Pearson 出 TSA 中文分類練習…
我係英文人, 同朋友見到市面好多練習都係死操
grammar 就淨係分 language item 係咁重複, 務求操到次次個小朋友啲 tense, active / passive voice 要轉啱樣, 但係就唔講幾時用先係最適合, 就算解釋都係用啲小朋友唔會明嘅方法嚟解, 好似咁:
呢個 powerpoint 係 longman 整俾一年級睇… 用小一唔識嘅字解抽象嘅 grammar 係咩玩法
所有 language item 其實都涉及 選擇 , 例如幾時用咩 tense 幾時用咩 voice
例如 tense, 淨係教小朋友 simple past tense 要點轉樣, 可能最終識得串啱個字, 但係都無辦法清楚明白個 tense 係咩意思
令小朋友 get 到嘅最佳方法就係要有 context (上文下理), 俾小朋友睇到啲嘢會幾時用, 點先用得自然
而小朋友最鍾意睇, 又有 context 嘅嘢, 就係睇故仔
我地抄咗本暑期作業條橋, 整咗份每 part 都由一個故事連住嘅英文練習
小朋友想追劇情就自自然會做晒
成個 project 所有嘢都好初步, 淨係出咗三個單元 (我地叫 chapter)，第一個免費。copyright 啲嘢都未搞清楚， 但係我地都唔介意俾人抄，最好有埋大量同產品競爭對手，因為我地想所有市面嘅教材都唔再死操，會顧及小朋友感受。
依家上返我地 facebook page 做返簡單登記步驟就可以免費下載:
Redirecting...
練習內容一覽:
因為我地個 project 都好初步, 所以都想大家做完可以俾啲 feedback 我地
希望喺呢個殘酷嘅世界裡面，小朋友起碼喺童年嘅時候開心過，學到嘢，未來做啲有意義嘅事
假如你認同我地做緊嘅嘢, 就算份練習你用唔著, 都希望你可以講俾身邊嘅人知, share 呢個 idea 俾佢地, like 返我地個 facebook page
想知更多設計理念可以睇埋呢個 Medium post shorturl.at/EHKOT
因為想推 po 等多啲人知, 有英文嘢想問歡迎留言問我, 我會盡答
