炒旺個場
自從搬咗出嚟住就開始要自己煮嘢食，所以我最鍾意就係發掘一啲簡單又易整嘅食譜，最緊要係唔使洗好多碗嘅！所以我決定要分享吓啲好易整嘅嘢食。
1。
流心蛋
成日都好鍾意食留心蛋，不過睇過外國啲食譜，如果要主導嗰種水煮蛋圓形留心嘅話有啲麻煩，首先我都可以講吓嘅。
佢嘅方法系將一隻蛋解凍放室溫，煲滾水加醋，打隻蛋落去，煮嘅同時需要係咁攪拌啲水，好似整到個龍捲風咁，咁隻蛋就會喺中間慢慢變到好圓好靚㗎啦。 
咁呢個聽落都有啲麻煩啊，我仲有一個好簡單嘅方法，就係倒少少水落一個碗到，打隻蛋入去，再用微波爐叮1分鐘。咁就會整到一隻好完美嘅留心蛋，咁當然個外型就唔會好靚嘅，唔會圓形咁樣。但係撈飯同撈麵都一流 
2。
棉花糖餅乾
呢個小朋友同大人都鍾意食㗎 ！超簡單，不過你個微波爐要有燒烤功能或者用焗爐。
買好大包嗰啲好大粒嗰隻棉花糖，放喺塊普通餅乾上面，焗3分鐘。
咁就會整到同平時BBQ燒出黎一樣嘅流心棉花糖。
呢個真係好好味，好適合小朋友開party用。
歡迎大家分享食譜～