其實一路覺得佢係雞肋，諗住好嚟好去完約算⋯但最近真係差到想即炒（同我小朋友一齊出去一齊除口罩
，變態到係屋企係咁用酒精捽手同聞（睇cam先知）！等等⋯ 想知程序同埋你地會唔會搵agent 處理
如果工人在agent請, 我會帶佢返agent 度解約. 不過無良嘅agent係唔會在意同你跟個妹表現, 只係想將佢resale to Market + sale 過件工人俾你, 咁就可以賺兩邊$.
你果位係bun or yan? 我位賓姐好錫身, 依家係我去街市買嘢仲多過工人, 佢話佢個女仲細, 唔想去多菌嘅地方, even我已經俾晒兼有無限backup嘅由頭到腳物資俾佢.
有人話, 請工人唔好再用同一間agent. 如果agent本身唔幫你嘅, 咁就無謂再俾生意佢, 否則我會在agent搵了replacement才炒工人.
抄工人如果自己可以計到糧去唔去agent 度問題唔大，最緊要反而係簽收佢收左你幾錢同埋機票，最理想係你埋傾好機票時間後，叫佢寫封信語自己同意果日，同埋盡量唔好買佢離開屋企後嘅近幾日。
自己無經agent 炒過2個。。。 俾哂錢, 簽哂野之後, 交記得即刻fax 張表去入境處, 咁個僱傭關係就即時完結咗, 唔使怕佢發生啲咩事會叫你去賠償。。 Good Luck!!!
1個讚
如果經agent請嘅，就緊係通知返agent，佢會話你知個程序，同埋幫你計埋要畀返幾多錢個姐姐，最緊要計清楚，同另外搵張紙寫低叫佢簽名作實，同埋一定一定要fax返張form去入境處做record。
入境處果度可以 用 esubmit
寫到個工人點衰都冇人知
都話左一定要有個公開黑名單嫁啦
不用預先通知agent. 我當時係預備左工人一個月人工、未放假的補錢、佢返家鄕$100 交通費，仲有check 定機票價錢。到炒佢嗰朝早就通知佢執嘢去agent度，要睇住佢收拾。去到agent 度就問工人想邊日返家鄉，即時上網（官網）訂機票，收到機票email後就send 畀agent 即時print 出黎同工人交收，agent 亦會計糧同畀俾入境處份form 我簽，agent 話可以幫我fax 去入境處，不過我都係自己寄返去就算
未放假的補錢即係佢年假既補錢，無記錯係年薪除365。 記住要俾cash, 不要俾支票
今日真係激氣，阿仔漏左做功課，做到夜左，工人要等我地做完野，執番好d野先訓得。她居然自己走埋黎執嘢，我話差唔多，叫她等多陣，她反問我what time, 完全無禮貌嗰隻，我話她無禮貌，我哋做完都未夠11點。她仲寸寸貢貢話唔滿意可以買機票叫她走，我剛剛同她續約，我話你要賠返一個月俾我，跟住話新contract未生效，舊的本月9號先到期，她其實同我做左成8年，我都想繼續用她，平時已經黑口黑面，我都算，今日真係忍唔到，如果咁樣當她自己唔肯續約，我買番機票送她走，我是否仲要俾長期服務金？我哋驚她反口玩野，我應該點樣保障自己？
好奇問你哋有冇規定一個休息時間比工人姐姐嘅？定係你哋夜訓都要佢陪你哋夜訓，然後第二朝早準時起床開工？
1個讚
每晚食完飯洗曬廚房D野我就比佢返房休息.
當孩子要返學, 工人六點起身準備午飯. 孩子放假工人七點起床.
1個讚
我地大人細路大概930pm就上床
姐姐去掉埋垃圾就休息
每日7am開工
如果我地真係夜過十點未上床或者未返屋企都係叫姐姐照休息先
1個讚
係囉，我覺得應該要咁，但樓上好似覺得呀仔未做完功課，就算幾夜姐姐都要犧牲休息時間等佢咁！ 