想問吓你哋覺得煮嘢食最困難嘅一部份係邊part?
一般坊間嘅食譜又幫唔幫到大家？
1個讚
到, 最難係唔知熟未
我好鍾意睇烹飪節目,有時聽到主持人講: 煮到8成熟就放啲乜乜乜落去… 我就O咀
1個讚
努力學煮野食中…
除左唔知熟未，坊間有d食譜調味料份量係「適量」
會即時黑人問號
1個讚
仲有一係燶左 入面唔熟
1個讚
最難係唔知煮到點至為之最好食嘅熟度.
食譜要多睇, 就算同一味餸各師各法, 有好多食譜都係伏嘅. 我嘅底線…熟嘅就得.
原本唔識、但為左小朋友。慢慢地學左小小足夠煮俾小朋友食
我係大左肚先學煮野食,
但跟網上食譜煮,硬係爭d, 有時賣相靚仔但唔夠味
問媽媽先知 要落茨
煮好多野都要落茨茨茨茨
試試下就會識
1個讚
自從太太有左之後，就變左我入廚房，邊忍心見到佢咁辛苦仲要佢去煮 
然後，早幾日我先同佢開玩笑，個女就快18個月大，妳都無煮過一餐佢食
係，自從我煮開左就停唔到，變左我太太唔識煮野了
Anyway，其實可以多d上youtube睇片，學下少少「原理」，咁就好似etv話齋「一理通百理明」
我一開始就睇台灣的《美食鳳味》，阿基師、詹姆士等等都會o係煮的過程講下少少技巧 (撇步)，例如番茄要先用油煎一下，等佢出茄紅素後再煮、煎三文魚唔洗落油，佢本身的魚油係好足夠兼好有益、薯仔先浸過去除表面的澱粉，咁炒起上黎就會爽口、落番茄醬/醋之類的酸味的時候一定要落糖平衡返…之類
想精緻少少，可以睇馬田 (點cookguide)、MASA，想茶餐廳，就睇《職人吹水》 (可能會彈左個叫《愈煮愈好》的頻道建議比妳，千祈千祈唔好睇，垃圾黎)
份量o個D，參考黎架o者，唔需要跟足既
12個讚
Masa同點cookguide都係實用，唔花巧
睇住youtube嚟煮係最好！
我相信有人煮嘢食好有天份，我就係屬於冇天份嗰批人。
不過跟咗呢兩個youtuber學煮嘢食之後，
都起碼叫做擺得入口而且幾好味 
食材要解凍完先煮, 個火唔好開最大
我都係小朋友出世先開始煮！
朋友仲曾經話「你唔識煮飯，第日點嫁」
哈！我班best friend！
首先要揀啲易既！炆同蒸其實就好易！一定熟架！
慢慢咪煎下雞翼/豬扒！
唔知幾時熟就加少少水收細少少火琴蓋，焗一焗佢，實熟！
我有上網睇食譜，冇睇youtuber！
早排試整鹽酥雞，好易整又好食！
冇人一出世就識煮飯！
1個讚
熟能生巧
洗洗切切最煩
唔係講笑，用氣炸鍋煮食，好容易上手
雞翼，豬扒，三文魚，乜都丟落去，我通常180度，每邊10分鐘，驚唔熟就切開睇
例如扒類，都係篤吓佢，感覺吓硬唔硬
到，又吾叻又冇興趣，不過為左屋企人都會煮下D簡單嘅，焗下魚，雞翼，炒個菜，滾個湯又一餐
要讚下呢位爸爸，你係神隊友！
＋1，一講到步驟就亂哂龍，又唔識睇熟未，好早就放棄左，全部交俾老公煮
肉類通常煮7分鐘就差不多熟, 但真係要看經驗