我都係同樣諗法，
唉，小朋友又成日講想要多個玩 
依家疫情日日屈向屋企，就完全反映生兩個嘅好處
如果得一個小朋友，小朋友一定成日要父母陪，同埋係堅悶
有兩個小朋友，可以互相陪伴，一齊玩。雖然會成日鬧交
利申：有兩個小朋友。生得一個的屋企，D小朋友真係悶到一個點
生2個, 先唔計經濟考慮(因為平有平養)
如果2個都生性, 就話老來有人陪有人照顧, 兩兄弟/姊妹又可以互相照顧,
但我身邊同認識既朋友既兄弟姊妹都係長大後就輕則疏離, 重則反目 狗咬狗骨。
唔係佢地細細個感情好就=大個都FD. 所以唔好諗住呢個好處就生多個。
最重要係兩公婆有相同共識, 兩人都想要2個小朋友, 如果只有一方想生多個, 另一方麻麻地, 都可免則免。 始終各方壓力(體力,心神,經濟) 其實會大好多 …
小朋友沒手足係會悶D, 不過你D資源($ &時間)就可以集中係佢一人身上.
或者觀察下你小朋友本身中唔中意同其他幼小既小朋友玩, 睇下佢識唔識禮讓/照顧, 列入考慮因素中。(小朋友爭野,嘈/打交都好煩!)
利申:我自己同老公偏向 維持一童, 所以理由都係比較偏向負面.
我好彩，我仔係唔想要細佬妹嘅！（佢話會偷佢玩具）
我同我老公都係一樣諗法!!
生多個都開心嘅…
不過又少咗好多自己私人時間
哈哈，有咁耐福享，將來就要有番咁上下付出，我仔嘅阿叔同阿姨都無生小朋友㗎，佢將來可能要一睇四…
不過我自己打算叫佢將來出國唔好番來，自己儲多d錢等退休生活舒服d。
我小朋友指定要妹妹唔要細佬，話細佬先搶玩具
我兩公婆本身好抗拒生。但係自己屋企出左事之後，覺得人生好脆弱，如果我哋其中一個有咩事，另一個都唔知點生活落去，發生事先覺得自己原來係父母最好嘅支柱。可能咁講好自私，但係我哋絕對會照顧自己將來，唔係想靠小朋友。我BB上年八月出世，每一日長大我都覺得香港越來越黑暗同絕望（加上少少產後抑鬱），但係都冇諗過唔生細佬妹。我係64之後出世，父母當年同我哋一樣，日日睇住新聞喊，出去靜坐。如果佢哋因為社會環境而唔要小朋友，我諗我應該唔會係度。我而家都係好感謝父母生我出來，社會係唔係咁好，但係都仲有希望。
我嘅底線係如果香港會變到好似新疆咁，咁我就真係會後悔。點都好，做好可以俾小朋友飛出去嘅環境，咁我就有動力教佢個世界好嘅部分。
3個讚
有得生，一定生兩個
我有兩個女女，自己玩唔使煩大人，自己做功課，妹妹學家姐，家姐又教妹妹，關係超好！
生一個會自私，公主脾氣，全世界圍住佢轉，我有個相熟鄰居就係咁。全家都服務佢一個，嚟我屋企玩，唔會執玩具，唔會讓人，總之就難頂。所以我已badlist 佢。
純分享
最緊要你哋兩公婆傾好，辛苦三年，之後超爽
1個讚
主要睇兩公婆嘅意願。
人地總有唔同意見，按番自身家庭的情況。
我本身有好多兄弟姊妹，先生係獨仔。
所以我哋都花咗啲時間傾，先決定懷二胎。
最辛苦都係頭三年，有勇氣就試下