我同老婆都係想佢地大個互相有照應所以想至少生兩個
不過都係等第一個出左黎睇下先，可能到時唔係咁講
如果兩個都仔，又要驚將來冇首期俾佢哋
我高齡生兩個，生第2個因爲覺得有咩事都可以兩個分擔下，我哋過咗身佢都仲有一個至親的人.
我大女4歲，細女就嚟2歲，生完細女初期極辛苦，細女早產，大女好活潑，又爭寵，爭嘢，辛苦程度係湊一個嘅無限倍！但依家見到佢兩個互動好開心，我老公想生多個
1個讚
第三胎 要好有勇氣
支持生兩個，一個佢真係會悶。
想生就生，過來人想生第二個，點努力都無
我大嗰個同細嗰個都爭好多年
其實冇估到多個細嘅，大嗰個會係咁開心，因為真係爭好多年。見佢咁開心，雖然有d辛苦同埋打亂計劃，但都冇後悔嘅
一胎媽媽，已經決定唔生。
一來生2個經濟壓力會大啲，二來近來嘅社會氣氛令我哋卻步。
另一個「個人原因」，陀第一胎時嘔得很厲害，唔想再嘔多次
不過生唔生第二個呢啲好睇夫妻計劃。只係咁岩我同老公覺得1個都ok。
一樣諗緊…
老公覺得一個夠晒數，俾佢嘅資源照顧都好啲，世界又夠亂了，仲帶多個黎睇下個世界有幾壞咩… 但做媽媽的就覺得亂世之中覺得有個伴好啲…未有決定…
況且依家疫情未過，都係觀望下先…我諗起要戴口罩生仔就 
2個讚
兩個小朋友關係好就想有親人，關係唔好就有親人都等於陌路人。關係人夾人，唔好諗呢個方向，因為有親人無人幫仲嬲
2個讚
見到湊兩寶既媽媽 同有勇氣生多件既媽媽 都 好勁
我自問 唔想再經歷多次由有左到生仔到湊初生既經歷
同你想法一樣。一胎, 封肚。
由爸爸媽媽擔任埋, 兄弟姊妹的角色, 盡成去陪玩, 陪打架, 陪爭野食。
我生左一胎,而家都高齡,本身有打算生二胎,但係諗趕大環境經濟同民生都咁差,可以預期短時間內只會更差。我對香港已失左信心,所以可能都只係會努力儲錢,希望第時小朋友有多D選擇. 兩個我冇信心同樣比到選擇佢,養一個都好貴。
不過其實都仍然觀望態度,睇下一年後情況有冇唔一樣先,我個人好怕小朋友有獨仔性格,自我中心
一個既時候我係唔鬧人既
兩個之後我日日噴火，超辛苦，兩個日日由朝打交打到晚，喊喊喊喊喊
我同先生都係一個就夠 
真係冇位置同心力再顧多個
佩服生2個以上既媽媽 
我會揀一胎算
但係我有左第2胎 
我係一胎媽媽，仔已經快6歲。
我地無用工人，父母雙職，仔仔由四大長老加父母陪伴，性格溫和友善。
其實我同老公都係有兄弟姊妹嘅人，但我哋兩個同細佬妹唔啱key，結婚後其實各有各生活，好少來往。
我老公鐘意BB，但佢又怕兩個細路將來爭產，一個就唔駛煩。
我就想留d私人時間發展自己事業和興趣，我見生兩個嗰啲兩夫婦放假要全部時間用來湊仔，無晒私人空間
其實生之前一定要計劃好點樣同時湊兩個，要俾到同樣嘅愛兩個小朋友，如果只偏袒其中一方，我會覺得唔生好過。
2個讚
順其自然啦咁
生啦, 呢排停課在家, 見佢地呢頭吵架個果又玩埋一起, 有個伴好開心
如果你同你老公touchwood老來有咩病痛要人照顧、需要仔女黎依靠
得一個細路佢負擔會好大好辛苦
人均壽命係高左，但你要睇返d老人生活得好唔好、健唔健康
利申
我自己係兩姐妹，同細妹好frd
見到有朋友父母出左事，佢本身同兄弟冇乜兩句，因為要睇住父母兩個frd左好多