如果股價真係跌到殘，打算買2800 算了，唔洗煩。
我好遲先識玩轉按呢個遊戲。
樓主：
想請教現時對香港樓市維持同樣睇法？時隔個多月，香港政治環境又變咗。
你好! 近期見到社會情況急速敗壞, 對樓市的睇法亦都轉為負面.
作為窮中產的一分子, 雖然預見到社會愈來愈差, 但奈何無能力離開或逃避, 唯一可以做的只有 - 迎戰.
當前面對武漢肺炎, 國安法, 再加上美國制裁, 後兩個因素絕對會對香港造成毀滅性打擊, 因為美國今次要對付中共並非那麼簡單只為香港人的自由或利益受損而出手, 真正令美國出手原因係為保護美國利益, 維持美元霸權地位而想打倒中共.
香港就是美國對付中共的最前線防線, 當兩大國大戰, 香港經濟一定會直接受到沖擊, 只係睇會受有幾嚴重破壞.
如果今日有幾球現金係手, 暫時都不應該購買第二個物業, 應該轉為外幣放在離岸戶口, 係經濟環境不可預測時, 想辦法保本是最安全做法. 畢竟投資不是賭博, 風險高就寧願先離枱避一避吧, 年紀大了更加不應該將身家押上去吧.
但如果無自住樓又不能離開的香港人, 反過來可以襯今次大災難準備買入自住樓吧. 始終香港都是我們的家, 同中共鬥長命都需要有一個"基地", 但凡要係一個地方長住, 不論升趺都要有一個單位才可以叫"安居樂業".
都係個句: 佢有佢獨裁, 我有我生活! 將抗爭化成生活!慢慢鬥!
利申: 我手持兩個物業都不會放, 因為一個我自住, 一個將來留返俾個仔成年自住, 升趺都不理會了, 就當我依代人留給下一代的救生艇!
點衰都好, 香港的樓點都不會趺到去零, 將來下一代大可賣掉所有物業, 那些剩餘價值都應該足夠佢地移民開始新生活!
2個讚
敢擔唔擔心層樓以後會變數字貨幣, 只能係本地使用? or 2047後地價點補?
1個讚
數字貨幣應該會先在中國內推行, 應該會係邊行邊推, 相信要過一段時間才會成熟, 短期內難在香港推行, 而且以香港人性格連支付佬都唔能成為主流, 數字貨幣應該有排都推唔到落香港.
至於2047補地價問題, 應該不用太過擔心, 因為當中涉及全部有錢人龐大利益, 不可能會有大變化, 估計都是按現時政策自動續租. 如果真係有變化, 相信班藍絲/新界佬會第一時間化身成勇武.
數字貨幣唔可以拒絕使用.
根據近期觀察, 又唔覺有錢人好勇武. 撤晒就得, 唔使勇武, 外面世界很大.
簡單說，人民銀行數字貨幣就是人民幣電子版.
數字貨幣不等如電子支付.
香港沒有外匯管制, 香港人可以選擇不使用大陸的數字貨幣.
香港同中國的分別可以維持幾耐?
實際上已經係一國一制了, 只係中共繼續想用一國兩制欺騙全世界!
今鋪國安法後無人會再信喇!
多謝你嘅回覆。
因為我有兩個物業，一自住，一出租。
香港情況越來越差，現在還在考慮應否出售出租樓(死約在年尾到期)。我同我先生應該會留係香港，除非差到頂唔順。
2個讚
黎緊七月過左三年想樓換樓
諗返起第一次買樓等按保批真係日日都瞓得唔好
2個讚
回想起第一次 …置業 …總是既緊張， 又興奮 
恭喜你能在短時間內樓換樓！
都係諗啫! 未實行到
諗起一賣一買仲大壓力 又驚買你層樓個人撻訂 自己又要上會
1個讚
高質post, 睇到不同人的經驗, 樓主講得好好, 一般人只會幾句講下概念, 睇完都唔知點去實際行動, 樓主就講得比較詳細, 我同男友都剛置業(2手樓), 依家等緊按揭批, 同時都考慮緊需唔需要搵驗樓師同風水師
1個讚
Tks, 其實買二手樓一般都唔需要搵驗樓師, 因為買二手樓係按現狀買入, 除非能證明上手業刻意隱瞞問題, 否則買家只能接受,不能追究.
自從出左DSD後真係令到好多換樓人士頭痛.
一來怕賣早左, 買唔返又蝕兩邊價.
或者先買後賣, 又要預先付稅, 之後賣樓又擔心新買家撻訂.
不過如果真係想樓換樓, 都係建議用先賣後買方式處理.
但賣樓和買樓兩者要同步進行, 一邊搵心儀單位時, 另一邊搵經紀同時放盤, 如兩邊都有機會成事時就盡快簽約.
如果手上只有一個單位, 當賣了樓那一刻, 千萬不要猶豫或想再等樓價跌返先入手, 否則好容易將樓換樓計畫, 變成炒賣行為.
今時今日係香港"無樓沽空"輸的機會比較大, 因為租樓成本好高, 賣樓賺回來的一兩百萬只能夠租十餘年樓, 到時無樓係手, 就真係臨老唔過得世.
所以現時樓換樓一定要快同狠!
我依家都好認同自住係幾時買都得 有能力就上左車先
我都諗緊如果一買一賣 交易期夾唔到
都要返阿媽屋企住一兩個星期 不過家俬就麻煩d 想Keep返 都要搵下搬屋公司存住倉先
不過咁都好過租樓/短租 唔拖唔水
同埋最緊要係阿媽屋企唔使俾租 
有時間我再Share下自己買自住樓既過程
未必好有趣 純分享 
2個讚
呢個我都知道，亦都問過經紀，佢話有咩問題如漏水業主果邊負責(簽臨約的時候，哈哈)，既然經紀咁講就信下先，當然我心入面都有個預算，可能到時候自己睇睇個單位就算
1個讚
期待分享 