我係新手媽媽 請左工人姐姐
想問裝cam的話 有無咩野要留意嘅地方同埋有無話其實要裝幾多個鏡頭就夠？ thanks
最好同工人講明先
1個讚
經agent請的話要講明，好多CV都已經寫左姐姐接唔接受CCTV睇住，到步後都講聲係話部cam唔係mon你做野，只係睇小朋友 咁會好D
3個讚
咁係佢未嚟之前要講 定係嚟咗先講？
但講咗多數人都唔會想 咁可以有咩解決方法？
其實我主要都係睇住小朋友 返咗工要睇住佢情況
姐姐到左未？視像interview 可以托agent問，咁想份工見得成通常都話唔介意
我地個姐姐幾個月都學識避cam 所以都唔使咁擔心
我裝兩個，廚房一個廳一個
後尾做耐左廚房個cam壞左都廢事裝返
我問緊agent 睇下佢點講先
1個讚
咁姐係你請咗個ok 嘅姐姐你先懶得換cam啦 
我記得法例規定工人姐姐要有一個有私隱的個人空間休息，
所以佢瞓的地方唔可以有 cam 影住。
其他地方睇你屋企乜嘢形狀，建議係諗下有乜地方最易有意外嚟裝。
好多人都提起，裝之前一定要同工人姐姐講定，
我地有同佢講係想睇小朋友，唔係監視佢。
其實同你開公司請個 staff 番嚟一樣，要有起碼尊重，
佢幫你做嘢會順氣好多，反過嚟佢心裡有條刺，
做嘢肯定打折扣。
有啲 Cam 會有 SD Card 錄影功能，諗清楚係咪用。
錄的話都要同佢講清楚（比如「如果小朋友有撞親係用嚟睇番小朋友做左乜事」）
4個讚
朋友分享除左裝之前講明之外，就係姐姐到埗前一定要裝好，等佢第一日黎到就知已經有cam，解釋反目的係想隨時睇住BB，我覺得呢個建議好好呀，我都有跟住做。
1個讚
明白 thanks
我同左agent講 佢話幫我轉達同解釋返
我睇下之後工人姐姐咩反應先
我都係諗住佢黎之前就裝好 我都用左你地教的方法經agent同佢解釋
小米好用，之前果個唔清功能又太基本,放cam要同工人講明放左邊同用途，工人都多數ok
要同工人講明有個cam係度，個cam係邊一個位 置
廳同 bb房都會裝，廚房你可以諗下裝唔裝，廁所同工人房就唔裝得
記住，先小人後君子，有點乜嘢講定先，一定唔好懶好人， 佢哋只會不停踩界
1個讚
用小米?唔怕14億人一齊觀看?
2個讚
最好唔好加入中共 DDoS 網絡啦
用国貨真係私隱 byebye
唔係淨係部 cam，仲有平時啲網絡通訊
1個讚
除左廁所同佢張床影唔到外，屋企唔應該有死角
洗錢買安心係必需
日日返去見到有d 傷瘀又唔知咩事，你甘心？
冇時間、冇IT、錢多：買貴價 外國 wireless cam
例： arlo
有時間：淘一set 大陸 ipcam + nvr + firewall + ipcam viewer pro phone app
加埋 2000左右 4隻 cam
用緊 arlo , 原先因為住村屋防盜用, 後來生左bb 再買埋bb cam, 而家工人湊bb 放埋係廳, 互相尊重當然同工人講左先, 廚房,廁所和房不會裝(bb床例外), Arlo 既優點係detect 到有物體移動聲音都自動錄影, 放上cloud server, 保留七天, 有事發生時睇返, 有人專登攪支cam 都錄到, 而且佢support 網上版及apple tv 版, 手機電視同上網都可以睇, 隨時下載, 如果有人用你ID 登入會知道, 都算係咁…
好睇你想點用。
一般裝一個cam 係廳已經夠，房就最好唔好裝。
始終網絡世界，你唔知自己個cam 有無俾人入侵。
另外就係一定要set 密碼。