有冇人會好似我咁用?
我就由亞女BB 
到而家4歲幾都影左好多相同片, 而家亞女大個左, 好中意睇返以前細個我地一家去旅行拍既片, 佢成日叫我比佢睇片, 我覺得將D 相同拍既片放落NAS 度儲存係好方便同安全。
我NAS 係用 Synology DS216+II, 拍片係 Osmo Pocket同無反影相, 再用DLNA 分享去智能電視度睇。DLNA 軟件我電視係裝 MediaHouse。
真心推介各位爸爸買返套NAS 去好好保存D 相同片, NAS 其實好多好處。SAVE 係電腦你未必成日拎黎睇, 但駁去電視就唔同啦。
我唔係打手, 比條Link 睇下啦。
https://www.synology.com/zh-hk/solution/what_is_nas
同雲端有咩分別？？
有冇話大啲memory貴啲？
雲端 係可以做BACKUP, 小部份同NAS 差唔多, 但我估雲端 應該 唔可以直接駁去電視度睇返D 片同相, 或者就算得, 都未必夠快去LOAD, 或者要LOAD 好耐先得,咁睇片或者睇相就會冇穩, 我NAS 經LAN 線或者WIFI 去電視睇, 反應會好快。拍既片就算分開一段一段, 每條片都可以出得好快。
特別NAS 係可以將我手機拍既片都可以好方便咁自動UPLOAD 去NAS 度, 再即刻可以電視度睇返.
而家好多手機都可以拍4K 片, 如果你有部4K 電視, 拍左D 片, 返到屋企一接WIFI, 咁就可以自動UPLOAD 上NAS, 咁電視就可以睇返, 感覺會好好。
簡單黎講係私人雲端, 平有平玩, 貴有貴玩。
1個讚
咁佢係插電腦定電視？
定就咁擺喺到用wifi就可以電腦電視電話都可以share用？
電話出左街都可以存取？
如果玩NAS,兩大牌子,Q 記或者S記
如果你想直博TV,就買Qnap,如果用戶體驗,Synology 好D
雲端,NAS 有咩分別呢? 詳細我唔講la,因為其實同一舊東西,不過私人化同人地提供service.
私人化好處,
- 安全理由,
2.如果你有買apple/goodle drive, NAS就長遠計會平D,
壞處:短期內好貴
真係好貴
如果有心玩,買4 bay (4個harddisk)一次肉痛免除煩惱…
再用raid 5…就唔洗擔心咁多la…
1個讚
DS218+用家留名
不過我只用佢個cloud
NAS 你可以當佢係一部小型電腦主機咁，開頭經電腦setup完就可以唔洗再經電腦都可以獨立工作， 最基本 2 Bay型號主機好細部， 基本2 bays 已經夠用， 當然Bay 數多越安全，價錢亦越貴，主機要接駁 Router， 咁你手機，電腦， NAS 就係同一區域網絡度， 就算你出左街， 只要識得SETUP 或者用返D APP 一樣可以存取到NAS 既 FILES, 其實唔難用。
請問幫Synology NAS 有冇agent（類似active backup for business) 幫mac book 做backup 㗎？
有, 但我冇用MAC book, 所以唔知點用。
我都考慮緊自己set 個nas
而家係開iCloud 2TB plan
一個月$78都幾唔抵下
因為啲相都只係300gb
但我屋企又已經冇電腦
所有嘢都用ipad/iphone 搞掂
雖然iCloud 方便
但2TB 又用唔晒有少少浪費
又唔知點可以安全save 晒囡囡啲相同片
我真心強力推薦爸爸們SET 返套NAS 好好保存 D 相, 片, 或者重要files, 基本3000靚蚊左右已經好夠玩, 好多功能, backup 手機相同片都好方便。我已經用左 4年左右, 我當初係買4TB HDD, 2BAYS DS216+II, 影4K 片 60 FPS 100Mbit/s 都夠力去播, 當然要睇你電視機夠唔夠快去播, 但就算電視機唔夠力去播片, 平平地買支 Amazon Fire TV 4K 手指都夠力, 因為我而家都用緊, 幾好用。仲可以裝埋港人話電視, 睇到有線, NOW新聞, Youtube等等…
Synology 簡單易setup
不過價錢幾貴下
手機空間有限, 用NAS 做個BACKUP, 再用NAS 同步線上 cloud backup, 再加個offline USB backup, 就安全好多, 全部可以自動搞掂, 唔洗自己次次set。
平同貴, 就睇下你認為D 資料有幾重要啦, 我成日FB 都見有人唔見電話想人幫手搵返, 話想要返D 相同片。
唔該晒
呢個真,我都試過無曬資料先肯掉幾千去買個安心