最近開始左兩個月都唔成功,第1個月唔成功開始睇中醫.
唔知係唔係成日諗住想有先唔成功 
我係男，經歷過老婆用排卵子計日期既痛苦階段， 問心壓力真係大， 又唔係18-22， 有時番工番到一半， 老婆話今晚要試， 個下個心會沉一沉. 仲要唔係一次搞定， 第二朝又要， 有時怕試紙唔準， 中午要臨急臨忙番屋企又一次. 呢種方法你兩三次failed ， 壓力真係超級大. 終於有一次成功， 但結果都係未夠3個月小產， 良心建議係， 如果真係幾次唔得， 兩公婆為呢件事開始嘈， 不如try iui , ivf. 命中率又高左，而且植入後又會安全一點. 唔會突然小產.
1個讚
Ivf iui 流失率都唔細～
其實男女方壓力都好大
我之前都係計哂排卵期又度體溫
嗰啲會中既日子都努力咁做功課
結果一樣唔中
所以心理壓力其實更影響受孕
希望你太太可以放開啲~ (不過我知好難)
請問邊度睇，可介紹我嗎？
我手腳都係成日凍
多謝啊， 我地之後做ivf, 兩次之後成功左， bb今年出世啦
1個讚
係台灣ivf 幾錢？其iui 同ivf 邊個好啲？
咁咪要每個月都去一次台灣？ 幾時先知ivf 成功？
如果高齡人士， iui 成功率為1x%， ivf 就3x%. 如果你ivf 做埋pgs / pgd 咁成功率會有5x%. 台灣我做左兩次， 兩次加加埋埋洗左12萬左右. 最貴係做埋pgs, 每次都要萬幾二萬.
流程係： m到之後一日飛去台灣， 拿針藥番香港. 可以揀即時開針 / 下次m到再開， 如下次m到先開針， 要自己驗血同陰超再寄去台灣決定開針既份量， 中間係香港繼續驗血同寄陰超去台灣， 然後佢會叫你幾時番過去抽蛋. 如果你揀放鮮胎， 咁抽完蛋幾日就會幫你植入. 如果做pgs/ pgd, 就要再多等兩個月， 番去植入. 你預植入前一日同植入後一日都要留係台灣.
通常植入後7日就知中唔中. 然後就繼續打針， 到穩定為止.
1個讚
工作大唔大壓力？
我當初試咗一年都唔得，跟住我搞完個大project 之後嗰次就一擊即中
講起備孕
未生啊囝之前都經歷左一段吾多開心既備孕期
自己後生時已經知道自己有子宮內膜移位
醫生話過難有bb啲
到後來仲發展成腺肌症 更加難有小朋友
29歲個年結婚 到32歲就決定試
買齊哂温度計 試紙
好彩月經都黎得準
雖然成日要10幾日先清得哂
當然吾少得係中醫 亦問左睇開個婦科醫生
婦科醫生只係話無帶套一年都吾中就揾矩
矩話用ivf會適合我 但預成十幾餅野
做埋功課 打算吾得就過台灣試
因為一次香港做ivf既錢可以做1.5次台灣
都叫做試左 吾得都叫做有努力過
因為我未結婚前問過我老公
我生吾出你會吾會嫌棄我 矩話兩個人仲好添
如是者過左半年 無聲氣 心情當然差
但吾想老公擔心就扮無野 成日話預左架啦
儲定錢做ivf 吾得就算數 都叫努力過
甘岩做個份工話個位要cut就fire左我
揾左一份pt time 返朝7午3
其實早上5點半要起身 一改我夜訓既習慣
不知不覺到第10個月 都未有聲氣
已經準備定約婦科醫生
我老公話還掂都要做ivf
不如人工之前去旅行relax 甘我摺埋心水
成個月揾資料 甘岩份pt都話要cut位吾使返
講真 無左要bingo既壓力
行埋時係enjoy好多
準備係臨飛前3個星期 先發現m come 遲左
一驗係兩條線 跟手 所有旅行野都要cancel
睇黎我囝天生就黎敗我地兩公婆錢
所以放鬆係好緊要 因為搞旅行個個月
我真係無諗生仔既野
只希望要行ivf呢條辛苦既路之前
俾個好心情自己
各位備緊孕既 要加油
4個讚
我呢個年紀，身邊好多都有一兩個小朋友～
有時見到post fb 而自己一個都未有，仲要等待日子真係好難過～
加油呀，唔好咁大壓力自己… 
最衰而家無得去旅行 2公婆行開輕鬆下
恭喜曬呀，我今日第二次放月台，希望中六合彩啦
第一次回覆，其實好耐之前已經係呢個post搵共鳴…努力左年半了…完全無聲氣…好攰好想放棄…又搵唔到人傾計好抑鬱…睇中醫都用左好多錢都好似無用咁…
2個讚
我好明白搵唔到人傾呢樣野既心情，未想生既唔會明，生左既又可能會覺得乜咁難咩，所以好難搵到同路人，我先開呢個post。我自己都試左兩年都未得，曾經都好抑鬱，好緊張，一嚟m就喊，好崩潰。而家已經睇開左啲，以前唔敢食凍野，而家都偶爾食下，覺得係你嘅就係你嘅，唔會因為食咗條雪條而有好大影響。我唔會叫你放鬆啲，因為我成日聽呢句，知道唔係講就得，加上又唔係放鬆就一定成功。真係靠自己慢慢睇開啲，我會提自己人生仲有好多其他美好既野。You are not alone, cheers !
6個讚
多謝你呀，今日下晝見到m到都唔開心到喊左…所以返黎搵呢個post…我都學習緊放鬆，搵下其他野做，做下運動，喊完就繼續努力
你都繼續加油
我做了八次ivf才成功，台灣、香港都做過，身心疲累，試過因為老公不能每月請假，自己一個到台灣手術但失敗，麻醉藥過後在台灣喊着通知老公，傷痛到一個點
。
宜家就生了，一切辛酸都不算得是什麼，只要孩子平安健康。
大家不要放棄，互勉！
7個讚
我兩胎都係一射就中， 所以要好好感恩~祝樓主你快啲避備成功! 嗰份會係你最好嘅禮物
辛苦你了！