90後，95後人士相信都開始陸續做父母，唔知呢代父母教育方式整體會晤會好過上一代父母，相比起70後，80後出生嘅父母會少d怪獸家長。
我覺得應該無乜分別。
以前在私幼工作，以為家長相對年輕、教育背景好，講到自己仔女都係一樣架咋。
1個讚
分享最近遇到家長：
最近搞過一個義工團，帶班高中生飛去東南亞地區做義工，我哋同參加者講左全程著團tee(每人兩件，快乾物料)，所以每日返宿舍就記得手洗。點知後來有家長問：點解無洗衣機
另外一次，小朋友去歷奇訓練，係海外，於是去聽簡介會。導師一開始就講唔會開家長group瘋狂upload相俾大家。有個家長就有啲不滿話：我小朋友之前去黃埔軍校，日日都好多相睇架。導師就直接回佢，我掛住影相好，定直接照顧小朋友好？另外導師就話唔會強制小朋友日日打電話報平安，咁有家長就話唔得，小朋友一定要日日打電話返屋企。導師就回佢：小朋友想唔想打電話俾你，其實都好睇你哋關係
所以都係大把怪獸
3個讚
90 後都30歲up
小朋友bb 到幾歲班家長，咪又係投入個競爭遊戲，一比較就多怪獸。
2個讚
只要香港人仲係:
- 憎人富貴厭人窮
- 執輸行頭慘過敗家
咁一定仲有怪獸家長, 咩年代都有
1個讚
Gen Z做父母更加恐怖
我都覺得係。一班97後教育出嚟。聽聞見工返工可以唔見影，用whatsapp say個bye就話辭職。
真係好難想像佢地為人父母會係咩心態。
1個讚
N年前，咪話啲父母陪子女見工，幫佢哋辭職，而家啲子女成家立室，咪重覆番佢哋父母既行動lor
1個讚
佢哋覺得個世界圍住佢哋轉，而唔係佢哋適應個世界，到佢哋做父母只會更加怪獸
唔會，人性係千古不變
2個讚
真係講得好, 未開工就問幾時放工, 20號就開始問幾時出糧… 有交帶嘅GenZ 真係好難搵…
佢哋成日笑我哋奴性重，做社蓄，冇work-life balance
真係世界變、估唔到自己都就成為其他人口中既奴性了、以前職場真係處於夾縫中、左右不是人
一早講定要幾時走已經叫好、最記得試用期就拎no pay , 明知係果行旺季、真係非常之瀟灑同唔care 錢、可能普遍環境好
衹要香港這個教育制度冇改,怪獸家長一定唔會少,不論什麼年齡階段既父母.
咁啱睇吓fb/ ig 見到我既gen z 舊同事都好多都做了爸爸媽媽
有位妹妹我好記得因為佢碎咗我份好重要既文件 (叫佢photocopy 佢就碎咗 當時真係想殺人)
anyway 見佢都係同小朋友打卡多 應該湊既都係工人/阿媽
唔會
覺得部份人嘅互相攀比嘅情況比我生b果陣仲嚴重咗…
不過都有唔少正常好父母
咁多人，其實真係可以開機洗，叫啲學生晾返自己件衫
其實都係問一句啫，有幾怪獸
最怕係成為不負責任嘅父母
宜家多咗啲年輕父母有咗BB直接搬去同父母住公屋，搞到同住親人無日安寧。又會老馮叫老人家湊仔，兩公婆自己出去食飯，真係唔知邊個先係小朋友父母 