如果公司有一個人，識咗20年，係你帶佢入行，手把手咁教佢嘢，然後佢反轉豬肚踩你上位。
你會：
A: 無謂激心都係自己辭職算，費事對住佢唔開心。
B:同佢死過，不過自己個心唔係好舒服，亦都唔擅長。
未遇到過，真係唔知原來呢個世界真係會有啲咁嘅人，震驚多過傷心。
其他人講我都唔信，直至有一次我親耳聽到佢喺老闆面前落我藥。
我後生時係B, 唔係我帶佢入行, 不過多次比死貓我食, 我有反佢台架, 佢亦唔敢再搞我, 但真係好動氣, 自己亦唔開心。
而家亦未去到A, 不過會係公司會當佢透明, 假設你公事上唔需要合作
1個讚
冇永遠朋友, 亦冇永遠敵人
無須考慮感情因素, 喜怒不形於色. 是否辭職或反擊, 衡量代價和勝算.
3個讚
問題係在於老闆度，走人
2個讚
咁就睇老板點睇你，再決定去向。
其次你個位同事，如果工作上同你無接觸，就當透明。
1個讚
有個junior(蠢同時好喜歡自以為是)好喜歡無視我的指示與comments, 我同上司反映, 上司初時唔覺, 果期我都好灰好想走, 但要搵工轉工我又懶 
, 捱過左, 上司依家都頂果位junior唔順
2個讚
我都遇過呢d 懶醒之餘仲覺得自己可以無視上司既人, 仲要響我背後成日講我壞話, 後來我走左, 果期流失率高, 條友仲要脅老細唔升佢佢就走人, 結果咪升左佢, 但其實好多人都知條友做野渣流攤又鍾意吞卜, 亦都好多人唔鍾意佢。
可惜老細無受過d 咩影響, 條友升左先一兩年就移民走左。
正呀, 希望你地大把花生食 
我都會揀A, 因為我都同意樓上位網友講, 係老細問題, 咁我走law
1個讚
多謝大家意見，公事上係要同佢接觸，佢後生過我好多，老闆係鍾意後生多啲。
因為佢做左好多小動作，老闆已經開始無視我（唔係點叫做踩住我上位）
但因為仲有好多嘢係我負責，所以老闆短期內點都唔會移動我（住）。
大家講得好啱，重點係老闆度，我老闆係一個二世祖，好表面嘅人，邊個係佢面前扮勤力擦鞋，佢就會鍾意邊個。
我好想辭職，但又唔忿氣，帶佢入行結果搞到連自己份工都冇埋，心理上接受唔到自己咁onX。
同佢死過我勝算唔大，亦都唔想返工要勾心鬥角咁。
徘徊喺呢個狀態都幾個月，好辛苦。
諗起當初帶佢入行，喺老闆面前幫佢講好多好說話，lunch都唔食抽時間盡力咁教佢嘢，就覺得自己onX到想喊。
識咗真係20幾年，我當佢屋企人咁滯。
其實我都唔明，又唔係幫李生打工，又唔係搵十萬9千7，做人使唔使咁核突。
如果份工仲ok 唔辭
1個讚
你就當無識過呢個20幾年嘅人。
以前都聽唔少因為工作由朋友/同學反目。
所以樓主經一事長一智，唔好再有下次就得。就算以後有其他老細或朋友問你有人/工介紹都話無，亦唔好再咁好心帶人入行。
不過呢啲踩住人上位每間公司都會有，每一段時間都會出現，如果轉咗工又有類似呢啲情形出現，樓主又會點?
2個讚
你唔係on膠，你只係做你應該做嘅嘢，你又何必介意重有嘢要跟呢，橫掂佢升咗上去，理應佢都處理到啦，直接辭職就算啦，呢D老細，早走早著，我當年都係咁，同公司講感情先最on膠
3個讚