成日都話生仔要考牌，另外亦成日聽到人講唔想複製原生家庭唔好既野，到底點樣先係理想父母呢？有冇得一齊brainstorm下，做成一個簡表俾為人父母既都當係一個檢視表做下呢？
睇fb ig我成日都好羨慕人地既屋企，有時甚至會因為個人失意而刻意隱藏左對方既內容唔再睇。。。
大家可以複製以下內容，一齊填下個表，啲項目唔需要排先後次序，暫時簡單以生理層面及心理層面去區分。
（利申，我係一個育有6歲兒子既媽媽，所以填表時代入左佢既角度去諗）
我心目中的理想父母：
1。生理層面：
2。心理層面：
（暫時諗住呢啲先，諗到會再加）
註：父母做自我評測答題時，請就以上項目作檢視，每項以10分為滿分。
本身自己父母兩個都有問題，盲都一眼望得出。
係幼稚園高班就察覺到，所以升小後開始唔鍾意自己父母外觀及智商上缺陷。會好羨慕人地屋企啲父母咁正常，所以自己個心理陰暗面唔止大仲係好深好深。
所以我心目中最理想父母先要係一個正常人，
1。生理層面：
整潔之居住環境
去旅行
2。心理層面：
教到我讀書功課問題
有愛，唔好情緒勒索，
適當空間已經夠。
無需要羨慕他人,人無完人,各人都有唔同既能力,孩子健康成長才是最重要. 最主要都係唔好心胸狹窄眼光短淺,家長越有要求,孩子越難突出自我.
所謂理想父母，睇下你用咩角色去睇，何況呢個無統一答案，唯一一樣就係父母嘅愛，有就已經係理想父母
有時聽人講話自己係唔合格既父母，所以先諗到不如一齊整個表for為人父母者評測下
家家有本…
建議全部都唔好睇咁多
鏡頭背後發生咩事 只有佢地自己知
放得上網梗係舖排過曬 唔可以盡信佢地有幾幸福快樂
亦有大量極端例子 網紅為咗吸流量去虐待自己嘅子女 只因為子女唔配合
netflix最近上咗套類似documentary 講Ruby Franke
唔好用孝字撻仔女
唔好情緒勒索
零優點切勿生兒育女
無經濟無本事不要生
自己智障唔好搵智障生兒育女
我理解。
如果能夠整理好個表，我會視之為一個推動自己努力既指標
請問你呢度講緊真係智障人士，定係意有所指？
其實「理想」父母嘅定義係會變嘅
細路仔細個只想開心快樂有人錫，大咗又會問點解你喺佢細個時唔培育佢，大咗想揾份好啲嘅工都難
所以唔好諗得太「理想」，做好父母「本份」便足夠。
樓主應該係想細分一下理想父母包括要有啲咩好嘅特質，向著好嘅特質去做。人人都唔同，但如果用愛或做好父母本份（咩係做好本份，要做啲乜?愛啲乜？）嚟概括所有，咁呢個話題應該可以完結。BYE~
多謝你明白。我相信愛只係基礎。。。
ok
如果可以，你又願意分享你認為本份包括啲咩嗎？
基礎都係最重要一環. 讀書好都要講基礎好.
其實你講嗰啲都係一個好父母嘅行為
不過我會加埋「唔擔保唔會做一啲仔女唔鐘意但對佢好嘅事」
仔女既要「愛」也要「教」，有啲不合理要求係要懂得拒絕，咁先唔會變成溺愛。
純個人經驗，不喜勿插 
你講得啱，其實「理想」父母每人定義唔同，同一個家庭都有同父母夾同唔夾嘅仔女～
所以我覺得「理想」父母難以達成，但討論下乜嘢為之「好」父母都係適合嘅。
我都覺因人而異、但客觀環境睇經濟唔好太差又有一定學識係好事、同埋講真係要有時間陪伴、雖然好多人話有錢唔一定有愛、但經濟太差父母又點會再有心力耐性照顧小朋友呢、套劇真係太理想、同埋賣屋去供個女出國、其實個女都好大壓力….
