就30歲做左爸爸兩年
一路都係兩公婆湊囡囡
由BB 出世到一歲幾先開始打返機(ps4)
暫時打機嘅時間只有囡囡瞓左先可以(mute聲)
但問題係,我發覺夫妻兩個人相處嘅時間好少
之前bb 未出世都成日會夜晚一齊睇戲
而家囡囡瞓左電視唔可以大聲,睇戲無引
搞到晚晚個囡瞓左,我就打機,佢就督電話
無乜交流
其他人有冇類似情況?
相同。
但其實你先唔打機，自自然然會找到其他野一齊玩。就算每人戴住一邊earphone，睇劇都係一種樂趣。
打機?咩黎? 有小朋友後我世界無左呢兩個字…最多係訓前玩下手機無聊game…
一定會少左好多私人時間啦, 除非你有其他人幫到手, 否則會冇哂所有私人時間。
我老公好耐冇打PS4
我自己都好耐冇玩switch
我同老公都係得閒玩手機app
講真自己去打機唔理個仔女都唔係幾好意思啦
我都想玩埋個Witcher佢…
但無乜機會啦
出世頭兩個月夜晚打fifa pro club打通宵
係餵奶要停玩
日頭換老婆湊
之後就真係少打
去到個女兩歲後就可以係佢訓覺後打返
但都要12點後 插耳機打
啲停唔到個啲電競game就唔使諗架喇
個仔10個月大, 仲可以玩下手機game.
其他電腦game電視game唔敢諗喇…
我始終想堅持每日都有"自己嘅時間"
但有左BB 真係難到飛起
顧得個細,個大嘅感受都要顧
然後工作,父母
時間就咁冇咗
我只可以犧牲自己瞓教時間
無左自我咁
仲未調節到心態
所以就係個女瞓左先
但呢個時候就要決定
陪老婆定打機
雖然老婆都未必想我陪
其實女人應該都想有自己嘅時間?
同你一樣咁濟
習慣下啦…如果升兩個會仲慘d 添.,…我連相機都封塵la…
所以話,無講生之前幾有心理準備都好
都唔會預到自己嘅人生會有咁大改變
我同你年齡同做老豆年齡都差少少
所以我好明白
我都係壓縮自己訓覺時間代替
我係媽媽，由小朋友出世到依家冇停過打機，通常等小朋友瞓左就開機打一個鐘。依家小朋友開始大，就一齊打switch可以雙打既game
小弟有一對仔女，冇打機習慣…其實不如唔好打機，多d時間休息…湊仔好攰
大部份女人係唔會想有自己時間，佢想你同佢傾計
1個讚
我成日捉住我老公趁呀仔瞓咗嗰陣打overcooked
打到兩三關 個仔就醒
鐘意打機嘅男人會話：打機就係最好嘅休息
1個讚