金秀賢帶淚、90度鞠躬現身記者會，懶人包8項重點整理，因為身份壓力而當時選擇以沉默回應金賽綸戀情
金秀賢於2025年3月31日在首爾舉行記者會，針對與已故女星金賽綸的交往爭議首次公開回應。金秀賢帶淚並以90度鞠躬現身記者會，指自己因身份壓力而選擇沉默回應金賽綸戀情。
（Getty Images）
（Getty Images）
以下是金秀賢記者會懶人包整理的要點：
1.澄清未與未成年金賽綸交往
金秀賢表示，他與金賽綸的交往始於2019年，當時她已成年，兩人交往約一至兩年，否認涉及未成年時期。
2.為《淚之女王》選擇隱瞞戀情
他解釋，為了不影響《淚之女王》劇組的努力與心血，當時決定不公開戀情，並表示若重來一次，仍會做出相同選擇。「這是我要負的責任，如果說我這樣選擇很卑鄙自私，我都會接受。對於喜愛我的人，我正式向你們道歉。」
3.指控遭到誣陷
他透露每天活在恐懼中，擔心虛假言論與證據毀壞名譽。律師則表示將對不明身份的「金賽綸阿姨」及《橫豎研究所》提起民事與刑事訴訟。
4.公開的聊天記錄多為偽造
他強調，曝光的對話與證詞大多不實，將交由調查機構驗證真相。
5.未回訊息因懷疑非金賽綸所發
他表示未回覆短信，是因懷疑訊息並非出自金賽綸本人。
6.未聯繫金賽綸如同普通人不再聯繫前任一樣
「我跟其他人一樣是平凡的戀人，時間過去後我們分開了，之後已沒有聯繫。後來她遇到酒駕事故，聽說她過得很辛苦，但要聯繫也要小心。」
7.否認金賽綸死因與他的經濟壓迫有關
8.為隱瞞戀情向粉絲致歉，他坦言因未公開此事，感到對不起所有支持他的粉絲
「我不是殺人兇手，我很害怕，怕他拿出甚麼毀我名譽，我不希望喜歡我的人，是喜歡一個人間垃圾，這也讓他們很痛苦。作為藝人，戴上假面生活很痛苦，做過就是做過，對於一切批判我都會接受，但沒做過就是沒做過，現在都一樣。為了喜歡我的人，我會證明。希望大家相信我，我會證明的，謝謝大家。」
(source: 金秀賢帶淚、90度鞠躬現身記者會，懶人包8項重點整理，因為身份壓力而當時選擇以沉默回應金賽綸戀情)
繼續食花生, 等睇仲有邊個爆料反擊
雙方有證據咪提告囉，用法律解決！
有人說法律制裁最多判幾個月，但家屬不是一直說沒有要迫男方去絕路，只是要求他承認與未成年的女兒交往及公開道歉，那麼提告可以要求呀！假如家屬勝了，便可達到目的 。如果另獲賠償，就真是超額完成目標。但希望家屬如取得賠償，緊記以女兒的名義捐給慈善機構，這才是真正為女兒追回名譽及公道，告訴世人女兒並沒有貪錢的父母！
還有那個「橫」打著為公義發聲，緊記將因事件而獲得的金錢利益捐給慈善機構，否則即使只收取一元，那也是不義之財！
2個讚
睇開thread 果邊，無咁一面倒未審先判
而家覺得 金秀賢 果邊 可信過橫豎 & 女方家屬
金賽綸自殺前一個月結左婚，前男友又公開質疑佢被老公家暴
但女方家屬淨係針對 前前男友 金秀賢 ， 好詭異
橫豎 又係咁用 成年後拍拖合照 老屈係未成年影 (張張合照，d fans都查到晒D衫帽鞋係邊一年發售)
3個讚
洗版咗成個月啦… 仲係吱牙膏咁爆料, 問題係D料又唔夠爆, 認真, 幾時可以俾逝者安息呢… 家屬口口聲聲話要金生佢對唔住, 句對唔住對依家嚟講對逝者及家屬有咩用呀… 仲有旁邊好多花邊新聞, 車銀優, IU 都被拉埋入局… 真係都唔知搞咩… 
4個讚
他的經理人公司代表律師發言，稱會向金賽綸遺屬和橫豎研究所提出民事及刑事訴訟，索償120億韓圜（約6349萬港元），而事件已進入調查階段。
原來告晒民事+刑事，咁就好，有咩證據咪攞晒上庭判。
3個讚
佢係對唔住fans同團隊，
起訴「金賽綸阿姨」及《橫豎研究所》做假新聞，咁難理解咩？
5個讚
thread好多台灣fans, 都唔講邊個有錯, 淨係佢地寶寶前寶寶後咁叫個40歲男人, 睇到我打冷震, 建議男方去台灣發展
3個讚
我無留意有人講寶寶呀, thread因為有演算法可能人人睇到嘅post唔同
我睇thread 大概一半人罵和一半人支持
1個讚
我睇threads係50/50喎，撐同反各一半
雖然唔覺得金秀賢完全冇問題，但好肯定另一邊嗰個youtuber有90%係誣蔑，直到依家全部公開嘅相都俾人揭穿其實係2018之後影
我支持兩邊如果有真憑實據嘅話，直接訴諸法律，唔想再睇婆媽狗血連續劇
4個讚
鬧爆金秀賢嘅人，根本唔係為金賽綸討回公道，只係純為想整死金秀賢
又一次引証有啲人係「睇人仆街最開心」
3個讚
金秀賢嘅公關能力未免太差, 記者會上係咁話自己係"star金秀賢", 講演員金秀賢會唔會好d呀 
話要守護好多嘢所以再返到當時都係會選擇講大話, 所以…今次呢???
好難令人相信佢今次唔係又再次講大話喎
而我相信佢係同個女仔由未成年開始拍拖嘅, 當兵時寫嘅信話"我想你"個d, 我唔認為會咁樣寫俾朋友囉, 其實一早認咗佢, 或者話由個女仔未成年開始大家都有好感, 但成年後先拍拖, 咁都得啫, 搞到而家咁都係佢自己攞嚟
1個讚
哪…我食花生估下咋, 佢死唔認,會唔會係知道女方家屬動機不單純,只是沒有強而有力的證據,所以如果男方認左,咁就有充份證據控告要求賠償了.
家屬和橫豎 話 金金未成年拍拖喎
如果未成年果陣只係有好感，咪即係唔係未成年拍拖。
A_lcy
19
我覺得好正常，大把藝人唔認拍拖，仲要分咗手幾年，認嚟做乜？
A_lcy
20
依家都知佢結過婚，又有咁多自殘傾向，其實唔會質疑個前夫同佢之間發生咩事㗎喎？個阿媽喺個女死咗先咁關心咁心痛個女，要人爆先知佢結過婚，仲咬住個女個前男友，動機好令人懷疑囉。
3個讚
