京東挑「基」｜HKTVmall 出招反擊 4.1 起任何自取訂單一律免運費 王維基回應 app 被高仿
【Yahoo 新聞報道】內地電子商務平台大舉攻港，其中京東（9618）近期廣告和優惠攻勢引起關注，本港電商龍頭 HKTVmall 都要出招回應。香港科技探索（1137）昨（27 日）舉行視像業績會，公司宣布，為了應對內地平台競爭，宣布在 4 月 1 日起，取消所有訂單自取消費金額門檻，客戶購買任何價值貨品，都可以免費到 HKTVmall O2O 門市或者合作點取貨。副主席兼行政總裁王維基又回應京東香港 app 抄襲 HKTVmall 事件，他就指自己當年抄功課都會揀成績最好的一份去抄，「我覺得抄襲就一定唔啱㗎喇」，又指餘下就留待香港消費者決定和選擇。
香港科技探索在 2024 年盈轉虧，全年淨虧損 6,670 萬元，公司在 2023 年原本獲 4,530 萬元純利。王維基表示，為了集團的生存及長遠發展，公司已經邀請幾百間內地商戶進駐 HKTVmall，並確保其價格與內地三大電商相同；公司亦有目標在 2027 年底，將辦公室的內地人才比例提高至 15%，以更深入理解消費者文化。至於現有業務，王維基表示「街市即日餸」普及程度與業務表現都超出預期，會繼續加強推廣。
回應京東 app 事件：當年抄功課都會揀成績最好嚟抄
業績發布前幾日，王維基曾經在個人 Facebook 發帖文，指京東香港的 App「八九成模仿我們 HKTVmall，連圖案都『學』得似模似樣」，京東未有正面回應抄襲指控，反而乘勢宣布公司優惠。王維基在昨日的業績會亦有回應京東抄襲，「當年我抄功課，我一定搵至好成績嗰個嚟抄功課，所以冇問題㗎。正如琴日我出個 post 咁講，多謝佢哋賞面啦。」
對於京東推出「買貴即賠」策略，王維基就回應：「（貨品）買貴咗仲要追你賠錢，其實我唔覺得香港消費者咁得閒去做啲咁嘅嘢，所以我覺得（買貴即賠）呢個係冇用嘅市場策略。」王維基又指，電子商務市場從來都是打價格戰，哪家貨品質素好、價格平就會吸納到消費者，「最緊要價格啱，質素有保證，質素冇保證，你喺度扮平都冇用？Okay？都會畀消費者篤爆」，明言貨真價實最重要。他並且說，他和團隊一直在競爭下長大，「我哋最鍾意，最開心有競爭」，亦會令更多人感受到網上購物的好處。
京東再出 post「恭喜」惹網民反感
京東在對手公布業績後，繼續在社交平台出 post 回應，指 HKTVmall 毛利率超過 25%，「恭喜」對方「利潤豐厚」，「京東自營毛利率只有 10% 左右，大家覺得邊個平啲呢？」不過帖文大多引起網民反感，斥京東仍然不肯正面回應抄襲風波，又認為持續開名狙擊對手，做法「低莊」。又有網民指，毛利率高低受消費者人口、營運成本等不同因素影響，難以一概而論，又指以京東的經營規模計，盈利實際金額必然比 HKTVmall 賺得多。
(source: 京東挑「基」｜HKTVmall 出招反擊 4.1 起任何自取訂單一律免運費 王維基回應 app 被高仿｜Yahoo)
wiki wong 幾時都咁型
