大家好，我係香港浸會大學地理系四年級生，而家做緊一個主題係「超越交通：一項香港與日本交通旅遊的比較研究」嘅honors project。
簡單介紹一下交通旅遊：交通旅遊係一種特色旅遊(special interest tourism)，佢注重交通本身嘅文化意義同對地方嘅象徵價值，將交通作為旅遊主要目的之一，有意地喺行程中加入同交通相關嘅活動，例如參觀交通博物館、乘搭懷舊列車或觀光列車、購買交通紀念品、休閒旅行時升級至更高艙等。
但係政府同大眾好多時都忽略咗交通嘅文化意義，例如啟德機場聞名於世，同佢有關嘅嘢都被一一抹去，好令人沮喪。因此，希望大家可以填下呢份問卷（https://hkbu.questionpro.com/transport-tourism），講下自己或者同小朋友一齊做呢啲事嘅經歷，以展示呢種喺日本已經成熟嘅交通旅遊喺香港嘅潛力。
歡迎討論！