可能工作環境問題,我識做小生意/運輸既都比較豪爽,寧願自己出大份~
但做AGO同公務員文職既係最孤寒/貪小便宜 
1個讚
呢啲睇性格係平時有冇做壞規矩，我有好幾個朋友由妯識到大，因我比佢地早兩年出社會工作，當時佢幾個仲讀緊書，出襯嚟食嘢消費我都請哂客，久而久之到現在幾十歲大人，佢哋有部份搵錢係我幾倍，但出襯嚟都盡量一毛不拔，就算他人屋企請食飯，呢幾個人上人屋企從不買手信，水果或飲品都唔會買。有一個仲離譜，一齊出街佢口喝買飲品，凈係買自己唔會問你飲唔飲，總之你請佢一世，無論幾平佢都唔會請你一次。好多人話我從小縱壞佢哋，但我覺得我身邊都有好多人請我，唔通我又被佢哋縱壞又一毛不拔咩? 呢種人性格都係天生居多，加上後天臉板厚先做得到。
我自己屋企人兄弟就有一個又係咁，從小一家人外出飲茶食飯，佢從來唔埋單仲帶埋一家幾口，家有帛事佢又一毫子都唔出，仲收自己朋友帛金自己吞自己洗。歟來都冇俾家用父母，住姦家附近一年都唔探父母一次，結婚要問父母拎錢擺酒結婚，拎左佢仲周圍唱嫌少。兄弟中有人未結婚自己供樓，佢就唔怕醜要求樓寫定佢個女名，好似老馮應份咁，佢個女遲早都外嫁，加上兄弟唔係一定比佢短命，就算比佢短命，樓都唔一定要俾番屋企人，邊個人對佢好咪送俾外人都得。所以真係先天睇性格，後天佔小部份 
1個讚
我都有個FD係咁呀,佢自己讀多幾年書先大學畢業,我就只讀到中五,佢成日想我出埋佢果份,不過佢唔只對我係咁架,佢對另外2個FD都係咁,原因係人地嫁個老公有D錢,之後我地不約而同咁疏遠佢
1個讚
前排我好迷失，覺得自己只係一個賺錢嘅機器
最近終於的起心肝報course學野
雖然有時會覺得為乜要放工咁攰，仲要趕住去上堂咁辛苦
但我覺得而家有d寄託，人生唔係只係返工，個人都開心咗
4個讚
最近一班朋友出嚟食飯，其中一個朋友呻，佢同朋友慶祝升職，佢朋友揀咗一間唔平嘅餐廳，然後瘋狂咁叫野食，又瘋狂咁食，完全冇理過佢夠唔夠食，結果餐飯好貴之餘，佢又食唔飽，另一個朋友都話係佢自己一直縱返嚟
同埋讀 Course 隨時識到、一班懿同道合新同學，可能展開另一段生活圈子，同埋好多讀呢類課程嘅人，工作或生活上可能互相幫到忙，未嘗唔係一件好事
你所講我認同 
講番我所提果班縱慣家人或朋友，朋友中不乏不涉及愛情女性朋友，我又係比佢哋早出社會工作，請慣哂佢哋。佢哋之後出嚟工作人工高我倍多，其中一個仲承繼埋父母大遺產，兩兄妹兩個家庭住埋一齊，全家人十幾年未工作過，仲請兩個外傭好富貴，但係至今都未請過我飲一杯飲品，佢新樓入伙我哋去探佢，佢叫我哋落樓下飯店一齊食飯，都冇埋單由我哋自己埋。另一個入左大傳媒做記者，屋企住村屋成幢屋送俾佢，佢老公搵錢都唔夠佢多入贅佢家。佢結婚約我哋出嚟晚飯派帖，埋單都要我哋夾番 AA 制，我都係第一次遇到
我曾經有個同事大家一齊出去食午飯,我俾左錢先,問佢收返,佢話佢重來都未試過自己俾錢食飯, 我即回佢:咁你由今日開始習慣,唔該俾返食飯錢 
現在有個董事,新年淨係派利是俾佢管理既部門,其他同事除非入佢房同佢拜年,否則唔派. 但其他經理係自動派晒全公司同事(約30人). 人工愈高愈孤寒.
係好事
我以前都試過放工趕番學, 飯都食唔切既日子
的確係幾辛苦, 但上堂你又會好滿足唔會恰眼訓, 感覺好實在
1個讚
佢係咪後生女?我經歷過2份工,都係同後生少少既女同事食飯,2個都係話無帶錢要我出住先,之後問返佢地還飯錢都唔想俾,拖左我幾日,我都追到佢地俾
1個讚
感覺個人有返方向
1個讚
朋友都要斷捨離啦
1個讚
早斷早享受,疏遠佢
已經疏遠多年，慳番唔少
1個讚