35，份工先搵得25k，好自卑，份工係舒服但長遠來講無上升空間又無專業技能，想讀書轉行或者學門手藝可以for將來做到老，最近壓力好大一直諗緊呢樣野，係咪無路可以行？ 我唔知自己中意做d咩，淨係想搵多少少錢
25K都唔少，睇你點比較
3個讚
好多同年朋友4/5萬或以上，真係好普遍，我依家真係連自己住都難，唉，同埋無理由向下比較
我老公都冇搵得咁多,想搵多少少錢做多份兼職囉.
1個讚
樓主男定女？ 有無家庭要照顧？
35都仲叫後生，要讀書都唔係遲，揀下啲老咗都搵到兩餐嘅技能學吓。
係呀，真係要讀書/進修/轉行，唔好拖啦，拖多兩拖就40
首先，35搵2.5k 已經算唔差，學搬能/專業，你有無諗過你學完之後係咪可以搵到比現時高嘅人工？ 我自已都係38歲轉行，無嘢話唔得嘅，問題係，你想要咩
2個讚
其實你應該知年齡同人工關係好細
有冇諗過考公務員?
尼個”比較”遊戲喺香港由一出世已經開始
而家先join返實在遲咗D
有心唔怕遲嘅
不過遲咗起步就要俾double effort 去追
做咩都好, 最重要係決心同紀律
同埋有時你睇人好, 人睇你好
十年前有個senior同事4x歲搵>$50k
頂唔順工作壓力, 要睇心理醫生
最後quit咗, 走去做私人補習從頭黎過
你妒忌人地人工高, 但人哋可能羨慕你份工hea
最緊要知道自己想要乜
最後建議你學手藝野, 例如剪頭髮, gel甲
AI + robot短時間內取代唔到
文職野唔好學啦 例如accounting
你學完初楷到時AI已經取代到
11個讚
政府都冇錢請公墓員
最大問題係無專業技能,你人工唔低,公司生意差炒人最易炒中層 
2個讚
今日剛剛聽完林美香同七師傅嘅訪問，佢哋都做過唔同款式嘅工作，都係之前工作經驗累積出嚟引伸新嘅路向
我建議你睇多啲書，養返個growth mindset, 自自然然你就會有好多靈感知道自己想要啲咩，而家邊有一啲工可以好穩定做到老㗎？
唔想睇書的話。YouTube「啤啤說書」同「陳老C 」summarise咗好多有用嘅書俾你聽，你返工搭車嘅時候咪聽吓囉，我年紀大你超級多，冇做嘢成10幾年，而家都有自己嘅事業，你加油啊
6個讚
同意到不得了…
樓主, 係現今世代, 35歲實際未到中年, 最重要係你心態, 你想改善自己現有生活去積極, 去學新嘢, 無問題… 但你為咗追平其他人就有D on 居, 因為永遠都有人比你好, 與此同時都有好多人差過你噃, 自食其力, 搵25K 其實值得俾掌聲自己, 點解會自卑呢? 你先調整好心態, 搵一份有興趣嘅技能, 剪髮, 插花, 開鎖, 甚至乎學做家務助理都得… 一切一切在乎你心態, 心態改變命運…加油…
3個讚
我有個朋友廿年前約三十歲，考個保安牌凈做夜更保安，最初做屋苑受下西住客氣，之後學精咗專揀工商廈夜班，貪佢夜晚冇咩人返工，尤其商場夜晚幾乎都閂哂門。但之後都專攻工廈夜更。佢話工廈有不成文規定，可輪流休息兩三個鐘，期間可瞓覺或自由出入，萬零兩萬舒舒服服，係時間比較長，但大家又諗下打其他工，尤其寫字樓話就話返八至九小時，實際冇嘢做都要留低 OT 扮勤力，隨時做十一二個鐘都冇 OT 錢
3個讚
仲未計車程，有時來回都兩個鐘
1個讚
我老公舊同事又係好後生去左做保安,做做下轉左做物管
1個讚
廿年前好多人笑佢睇佢唔起，依家睇番佢先係有高贍遠足，起碼佢廿年間成日轉工，要搵幾乎即刻搵到工，唔好做又跳另一間實有工開。加上正字問題，現在保安權力尤其角內保安，大家都係由驚慌發牌，而且好多老闆及高層，都係前驚慌自己人，好多時都要靠保安索料及合作，所以依家佢哋唔怕俾人投訴、就算恰眼瞓你影到都唔怕。就算做大企業物管，都係外判工作，俾人投訴對外話炒咗，在內其實調職而已，確係比以前好做好多。但可以好肯定，私人屋苑尤其日更，係最豬頭骨
4個讚
提外話，呢兩個Channel都有聽，我覺得代替唔到睇本書，有時間真係要打開本書睇
唔知呢度有冇人加入過啤啤早餐會、值得嗎？
朋友做過，話好難做
反而有個舊上司，疫情嗰陣公司執咗，舊上司本身都供晒樓，又有積蓄，呢傢走咗去樓下間學校做校工，估佢唔到