請問有無人用過Parisi Grand Smooth同7 seas？好唔好同準唔準時送到？或者有無其他搬運公司推薦？感謝大家 
7seas 當年要自己搬落樓
不如研究下 同行
7 seas用家
香港門口pick up（舊居門口有幾級樓梯，無另外收費）
英國送到車房
我係包中箱，師傅好專業好快手，一眼見曬我地啲家當就話仲有位淨，叫我地快啲pack多幾箱
疫情最嚴重嗰陣佢哋暫停咗上門收件
1個讚
我嗰陣係用Sanity
我當年用諾言…
亦可以考慮埋同行。
1個讚
早幾個月，用諾言，包左一隻40尺櫃去蘇格蘭，所有野安全運到，任何一件損毀都無。
係香港屋企上門收走幾十隻大紙箱貨物，現場包裝入唔到箱既散件雜物，傢俬電器；佢地英國partner 都係香港人開，直接搬入屋內。
3個讚
廿年前用七海寄嘢返香港.。冇乜特別，要自己搬上樓
幾好喎，
有時啲運輸公司嘅partner係當地公司，大家嘅文化標準唔同真係令人嘔血。同香港公司講返都feel到佢地嘅歉意同無奈。
唔該哂大家我研究下7seas同諾言先
有無價錢參考吓? (要運去英格蘭 價錢照計應該差不多卦)
同埋係咪因為運車所以用到40尺 如果係既 運車難唔難有無野要留意?
消委會早三年做過比較 好似無諾言&資料都已唔update 但如無睇過可參考吓
運去蘇格蘭點都貴一截，就算係英國本土買野，蘇格蘭好多地方都要加運費，因為運輸工時/燃油多左。
40尺櫃去格拉斯哥果頭，全包13萬5，兩邊入屋搬，香港要上落6級樓梯，造左3個大實木箱保護6部嵌入式焗爐/咖啡機/酒櫃，屋企現場包裝入唔到紙箱既雜物咁。因就趕船期，果朝10點幾到，1 隊team 6~8個人，兩架車，搬到晚上7點幾，即晚10時幾全部野入晒櫃。
我無運車，純粹係屋企雜物多，唔想執，因為20尺櫃一定唔夠放，所以直接quote 40尺。
1個讚
謝謝資訊 睇黎船運費無回落 同兩三年前個價錢差不多
物件多 兩邊入屋搬確係好需要 諾言聽落服務唔錯 
&都應該無得考慮7seas了
諾言 香港果班無得彈，而英國個 partner 都真係幾好，係曼城既，因為運輸問題，佢哋做唔到原隻櫃到英國屋企，要拆落佢哋貨車度送過尼，如果介意唔係原櫃到達，就要諗下。
果朝佢哋7點幾係曼城開車，尼到我屋企已經下午2點幾，馬不停蹄即刻按我指示下搬野入車房，同搬入屋。當中，最難係我部 對門雪櫃，我屋企門廊都大，但唔知點解上手業主度大門開係側邊，即係一入門就要右轉，部對門雪櫃就係咁卡住左，要改由花園入，花園門口有幾級樓梯，我同c父3個一齊抬起部機，因為部對門雪櫃重140kg 左右，都要攪左陣先入到屋，c父全程無炸型。之後，我整埋午餐俾佢哋食，一齊食完先走。
1個讚