背景：
1.响升小前睇好多網上討論，算係比普遍人遲開始搵資料
2.參觀津校一直睇唔到大分別，揀左間相對冇咁傳統、小一功課唔算多
3.因有宗教分，呢個係其中一個篩選學校既條件
4.幼稚園happy school，冇外補
而家遇到個難題係小朋友唔太跟得上，平時功課差唔多要逐題教，家長教得好吃力，已經開始補專科
係咪啲好出名學校？
我小朋友成個小一學期都有跟功課。正常好快半小時左右就完成。
學校係咪合適你小朋友，咁就要問番你小朋友返學返得開唔開心？有無唔想返學嘅心態。
2個讚
如果佢真係跟唔上，
讀多一年傳統幼稚園先升小一。
俾時間佢習慣下，佢變做（大仔）身體及腦部發展再成熟啲，先至升上去。
呢個情況好正常，始終小學升上幼稚園係兩個世界，你覺得吃力嘅原因係用多咗時間教佢，感覺佢咩都唔識，如果佢識，又駛咩返學呢？ 加上我地大人會以自己嘅認知覺得小朋友一定識點做，但對小朋友嚟講，佢係第一之接觸，佢唔識唔奇，唔知你間學校點，我間今年開始，小一以評估當考試，盡量減低家長壓力
小一基本上係俾小朋友學習適應由幼稚園上小學嘅分別，以往上堂玩下食下就完，功課唔多，到小學，上堂時間長咗，又多規矩，功課，默書，測驗，考試，全部都係新事物，當你教到想爆時，即時停止教，行開一陣，亦都俾小朋友放鬆下，15分鐘再嚟過，盡量唔好同佢講你錯呀，點解唔識，做咁耐呢D字眼，咁會好影響到佢將來，唔知幾時開始攪到學生做功課一定唔可以錯，功課就係去評估學生學到幾多嘢，做錯係合理，一教就識，咁駛咩讀成廿幾年書呀，教小朋友一定要有耐性，一定要了解佢個性格
2個讚
要小朋友學習好,由心喜歡學習,家長從小朋友出生開始就好忙,唔係忙揾咩學前班興趣班,而係忙點樣陪孩子玩陪孩子學,唔係單單孩子自己學,這些係好多現今家長忽略,好多為了工作為了自由早早就交予他人照顧,唔理會孩子心態成長,到幼稚園及小學以為有學枚就可以. 我背景冇咁多:
1: 從孩子出生到初小前都冇上過什麼網上論壇揾資料,衹有自己有限知識放棄工作全程照顧陪玩陪學,這段期間要令孩子享受學習樂趣.
2,3: 正常所有小學學既野冇分別,由政府安排最近既學校就讀,因為孩子都愛上學習,自然邊一間學校都可以學到野.
4: 抄外國式Happy School一定死梗,反而明白咩叫Happy Learning就足夠,自然填鴨式教學既學校都一樣好Happy,何需再浪費時間外補.
PS: 現在孩子已好自然咁入了香港既三大大學就讀.
其實可以唔駛心急, 有6年時間追
(不過如果你想aim high轉校就要快)