我地無請工人， 我係咩都自己做。 都唔係個個weekend會出街。 有好多是 weekend都係o係屋企休息下。 唔出街,佢又會話我成日係屋企,唔出街。
今個星期 因為個仔有個地方想去， 係商場入面。 佢就話你同個仔去啦， 好多時好多活動佢都係話 ：你同個仔去啦. 我覺得佢好似成日唔想參與咁，我覺得好似成日都係我一個人係度孤軍作戰， 其實我可以點？佢好似覺得個仔既野係我一個人既事咁。
如果有人問我， 當初佢想唔想生， 佢係想生的。
佢想生唔等如佢想付出
6個讚
小朋友幾大？
有無試過安排一啲爸爸同仔仔兩個人的活動？
小朋友幾大？ 佢唔一齊出去，係屋企做咩？ 有無試過一齊出去？ 想生同照顧係兩回事， 定係成思想仍然為大男人個種？覺得照顧小朋友係女人責任？
咁你由得去定盡量要求佢？
可能佢覺得自己「可有可無」所以唔去都冇所謂？
溫柔啲同佢講，我哋一家人，要一齊活動
陪完仔搵啲佢都想做既野，一齊參與
1個讚
有無叫過佢一齊去？
人性難改, 好難要人做自己唔想倣的事. 除非佢已經沒有選擇, 但去到呢一步大家都會痛苦.
你可以將你寫的這篇問題比佢睇, 冷靜地討論, 不過唔好太大期望有改變.
如果你自己沒有足夠時間孤軍作戰, 唯有減少陪個仔的時間, 或者減少花在其他方面的時間而去陪個仔.
我細個媽媽都遇到類似情況, 佢想過離婚, 不過離婚唔會令到有多個人去陪個仔, 佢選擇忍.忍到我可以自己出去玩就唔洗人陪.
1個讚
我唔知你嘅情況係點，我見到弟弟對個仔嘅情況，男人嘅習慣係求其，做咗就算，佢唔係唔湊細路，唔幫手做家務，只係每次弟婦都好似玩（搵錯處心態），幫手煮飯，又嫌你搞到廚房亂、用多咗水 及 污糟，獨自去超市買嘢，又話你買得唔好，去公園玩又話唔睇緊D個仔，久而久之，佢心諗「不如你做晒，唔好預我」
3個讚
呢啲最好去見下輔導專家，外人出面先得。
你要反問你老公，介唔介意仔大咗唔理佢，關係可有可無，如果唔想咁，趁現在要好好儲好啲美好童年回憶。
0-6 歲，父母主導，父母影響係最大，3-6 歲發生嘅事，佢哋大個咗仲會記得。
6-12 歲，父母和老師主導，仲有得教正確價值觀，儲親情最好係呢六年，去到青春期，唔係個個仲留得住。
13-18 歲，朋友主導，如果頭 12 年無做過嘢，或者做錯野，咁呢六年已經管唔到，有 12 年感情基礎，咁仲會聽下父母少少意見。
3個讚
多謝大家， 大家俾左好多有用既資料，幫到我搵到方向， 謝謝