年紀唔細，想了解下自己仲有無能力生，想驗下amh，問過香港千幾蚊，定去台灣驗好啊？台灣驗好似都係千幾但仲可以驗埋其他野+會解釋比你知？求分享
香港驗1200(港紙), 台灣驗1200(台幣)
去開台灣就喺台灣驗到，所有items都平過香港
係囉，所以諗住一次過驗埋其他野，但想知係咪同一樣方法驗？同埋個結果係咪同香港表達既方式一樣？
（即係如果台灣驗出=1，就等於香港驗出=1？唔會話台灣1就=香港0.5，個表達方式唔一樣？） 
如果驗完之後結果不如理想, 樓主諗住係邊度醫?
我都有concern台灣表達方式問題, 有冇得問下你睇開嘅醫生意見?或者直接去私家專科問左先?
台灣用ng/ml，你一般爬文應該會睇到AMH理想範圍係2-5，係用緊呢個單位。香港有時會用pmol/l，換算公式為 [pmol/l] = 7.14 x [ng/ml]
我最初睇仁安，佢幫我驗AMH係1.9，打嚟同我講我｢時日無多｣，要盡快做IVF… 佢冇講單位原來係用pmol/l，當時我亦唔知有兩個唔同單位，令我好疑惑乜1.9有咁差？由於佢哋冇安排我再見醫生，第二次上去簽同意書做IVF只係見姑娘，我唔問佢都唔print返份report畀我，畀咗我亦都當然冇講解，我就一直唔明點解1.9會講到我時日無多咁，加上之後好多溝通上問題同分歧，我最後決定去台灣做(亦係正確決定)
去到台灣，醫生一睇就話個單位唔同，即刻幫我換算返原來我AMH得0.27… 卵巢儲備相當低… 後來我睇返香港份report先見到下面有行好細好細嘅有換算返我AMH by ng/ml係幾多，但真係細到我睇咗十幾次先留意到…
既然你有心去台灣驗，萬一驗到真係有不孕問題，建議你喺台灣做IVF，唔好喺香港嘥錢嘥時間，有咩問題歡迎問我~