我個仔5歲半，早排未有流感之前，本身奶奶每日帶佢去公園玩下，因為佢本身好鐘意戶外活動，機緣巧合下，係公園仲識咗班”小伙伴”，大家都差唔多年紀，同埋成班好自覺每日夜晚5點左右就要家長帶去公園集合玩，真係日日玩到停唔到個啲，本身覺得俾個仔接觸多啲人都算係好事，不過依家流感高峰期就無俾佢去了。
但早兩日，老師打電話俾我，話上堂個時要大家分享個近排較難忘嘅經歷，個仔就係堂上分享佢之前同朋友 “決裂再和好” 嘅故仔，我先知原來發生過啲咁嘅事！話說佢個日帶咗生日新買嘅Pokemon咭去公園諗住一齊同班朋友仔玩，但小朋友完全唔愛惜佢啲咭，仲整污糟其中一張佢最鐘意嘅比卡超，佢當場係發咗大脾氣，但其它小朋友唔明點解佢咁嬲，仲成班無同佢玩幾日（而我當時竟然完全無發覺…），跟住又過咗日，個仔消咗啖氣，佢自己走去同班朋友仔解釋點解咁嬲，兩邊仲互相道歉，朋友仔們一齊夾零用錢送返張Pokemon咭俾仔仔，雖然唔係原本個張，但仔仔accept左，跟住大家就和好如初～
個日放學，我已經即刻問個仔「點解你係公園俾人整污糟咗張咭，但無同我講過 ga？！」，佢仲覆我「放心啦媽咪，好小事啫！因為老師叫我試下自己諗辦法先，咁我諗到米無話你聽囉！」突然覺得佢仲man過佢老豆 當時我同佢講返媽媽都想知道佢發生過嘅事，無論好事定衰事，佢就答應我話以後有咩事都會同我講返~
作為90後媽媽事後檢討返，可能我都唔應該成日由個仔同奶奶去公園玩，其實都要得閒陪下佢去，好彩今次老師有好關心咁同返我講，仲問我有無咩需要幫手，最重要個仔自己都識處理到，突然覺得佢都大個仔啦，我都好安慰…
但都要同爸爸媽媽分享返
