呢個價位比著我會試下同店主傾, 有冇得平D 
但人地都肯賠, 真心欣賞
網上欺淩係唔好，但大家生活喺呢個世代係無可避免，做好自己，適當地融合呢個「美好」嘅世界係生存法則。
因為俾人影左，加咩caption,點樣剪接唔到你控制。有咁嘅事發生我點都會諗下自己會點點點咁，算係杞人憂天嘅壞習慣啦
點解唔會，唔道歉點教小朋友坦白同承擔？
都係嗰句, 發生左未? 日本壽司郎、香港壽司郎、朗豪坊多次事件, 我睇唔到邊次有被惡意剪輯, 我亦睇唔到外國人對小朋友(不當行為, 唔係犯法)特別tolerant
1個讚
認真答你啦，小朋友根本都唔識，你捉佢去道歉根本就大事化咗件事，如果係我我會同佢講返個道理，然後同佢一齊攞個鉗去洗碗機度處理佢。
小朋友都要照顧佢心靈，下下一嘢的佢上枱面，我諗佢會好驚，所以我唔會咁做。
咁睇唔到又唔係冇嘅。可能冇特別tolerance 不過感覺比香港supportive
Er…可能你小朋友細？四五歲嘅我又真係會咁做，亦都真係做過。小朋友倒瀉野，整跌野之類，同人講返聲對唔住唔好意思都唔係咩大件事，又唔係指住佢鬧。
其實唔關小朋友事
係家長問題
小朋友咬咗個夾咁耐、家長都冇阻止
直頭若無其事咁
個夾跌落地又唔執
唔係「唔小心」、「唔覺意」嘅錯
係根本心態有問題
2個讚
同意，爸爸就話見到，咁坐對面既應該有媽媽係度咁都見到，其實個小朋友咁樣啜個夾仔都危險。
再講個爸爸事後仲好意思話壽司郎借機宣傳，仲覺得自己無問題。
唔好將個問題射去公審度，亦唔好扮可憐，攞個仔做擋箭牌：你眼見個仔咁做唔阻止又唔同職員講，仲繼續食，妄顧其他食客安全，唔識做人父母，更加唔識做人，自私精
4個讚
唔係佢食丫嘛，呢啲人最好自己做乜自己受返晒，咩網絡欺淩？慘得過佢下手嘅顧客，諗到食佢個仔啲口水尾都作嘔
3個讚
好多人做錯事最鍾意扮可憐轉移視線，尤其是某漁村政府：你批評佢乜，佢實話對有關員工構成壓力，影響士氣，完全唔提個部門做錯啲乜有冇檢討
而家啲“平民”學足晒，賣慘就逃避責任，仲怪責咩批鬥風氣，兩個字送比佢哋：食屎
佢呢傢話網民話個唔識嘢嘅小朋友
難聽啲講當時拍片者就算真係走佢同佢講
佢都可能話個拍片者多事然後繼續冇公德心行為
比人話先去教育小朋友
即係如果冇比人話，就唔駛教？
4個讚
香港咁多新聞, 過兩日網民已冇興趣理佢地, 但呢個疑似爸爸伸個頭出來辯解, 係唔係傻架
其實大部分人都係針對個父母唔係個小朋友，‘’家教‘’兩個字真係好重要
以前係另一個forum見到有疑似好心人講, M記出錯左餐比佢, 職員即場掉落垃圾桶, 佢覺得好浪費, 點解唔可以收返埋, 比下一個客。
網民寸佢, 將心比己, 你係其他客人見到M記原來會"回收"食物, 你仲敢唔敢幫襯, 你而家只係係度拎光環
4個讚
公司規矩好正常
1個讚
話說回來：呢幾年大家對SEN症狀認識多咗，如果真係喺街見到佢哋啲異常行為，應該手下留情，佢哋父母身心俱疲