佢最起碼做嘅係通知員工，等下一手唔好用佢個仔嘅二手鉗，佢個仔係曳，都明白有時父母未必睇得實，但佢又冇stop又冇通知員工，即係佢都好ok件事，或者覺得冇乜大不了
問返啲自私父母：換轉係你個仔用咗上手舔過個鉗你係咪ok唔會投訴？唔係就收聲啦
1個讚
喺壽司郎呢個case上面上咗啲咩綱上咗啲咩線？
淨係講返壽司郎呢單, 同樣行為我相信係歐美一樣unacceptable啦, 有冇人影你仔女上網都唔應該比佢咁做(舐公用食具)
都好想知日本壽司郎個取態係點
日本壽司郎民事告左對方, 但我唔記得係告父母, 定告個男仔(因為未成年)
我都覺得呢個風氣好得人驚，涉事個家長無阻止個細路係有問題，但係拍片嘅人點解見到唔妥唔係當場向果個家長出聲或者即時通知職員處理，而係放上網？而大家都好似覺得凡事第一時間就係拍片放上網就啱，等大眾公審，唉… 好toxic
1個讚
我唔驚啊，我仲成日同我小朋友講你唔好xxx, 陣間俾人擺上網
外國唔擺上網唔等於小朋友做嗰件事係啱，我亦都相信大部份人都只會怪個家長而唔會怪個小朋友，要驚嘅真係家長你自己。
講真細路跩到會俾人影上網嘅，個家長自己都檢討吓啦。
1個讚
其實呢句點解？
點會無, 不過外國人一般放上x/reddit鬧, 我地少用呢兩個social media, 所以錯覺外國唔會放上網
1個讚
我唔知呀，人哋係咁講吖嘛
睇唔到就係冇㗎啦
1個讚
呢次個老豆睇佢個post都知個人kam架啦。不過個個一機在手，你有冇教小朋友都只係前傳。淨係cap小朋友做錯果part 已經水洗都唔清。
呢單野最尾當然都係家長受返。騷擾電話，社死都唔會關小朋友。不過咁嘅結果係咪抵死我真係唔敢講…
可能都係。
我有時見啲小霸王係車度企櫈呀，玩吊環呀咁都唔會有人介意，但係係香港好大機會會俾人鬧或者放上網。我自己當然都係會跟返自己標準教仔啦。但係有時睇返呢啲小朋友百厭post就覺得啲評論有啲誇張左。
上次好似發生係 武肺 時候，D人自然敏感嘅
就算唔係武肺, 以日本人特質, 我亦都信同樣事(股價大跌, 即時冇人幫襯)會照樣發生
1個讚
－定無（武肺期內）咁大反應
其實你覺得外國人唔介意, 會唔會只係因為你唔係佢地圈子, 所以你見唔到佢地上x鬧jar
外國人笑女人係karen, 咪一樣笑到而家, 直情笑到遠至亞洲嘅香港都識karen, 我一樣覺得有D例子外國人笑得過份左。
幾年前有個小朋友整爛左郎豪坊(?)公仔, 店主索價5位數, 大把人鬧店主, 我覺得香港人算mean, 但大事大非前好公道
2個讚
真心，我諗正常父母都唔會由得個仔喺度瀨公共餐具，講咩抵死冇意思，自作孽啦。
Ps: 個反駁post係咪個老竇開？我唔sure
1個讚
我追開叉雞講日本新聞, 佢長住日本, 所以日本人係真係會咁大反應
係，個位家長都真係俾咗五位數，呢啲咪就係質素，你估相同事件發生喺某國人身上佢會唔會比？
日本果個係高中生，自己影住舔完放返完位，係惡作劇，同就咁舔有啲唔同。我諗果個小朋友唔係想人食佢口水尾先舔掛。
我只係好美好咁相信，如果呢件事不幸嘅事發生係我小朋友身上，我可以拎住盒薑同侍應道歉，然後得到體諒同原諒就好，完全唔需要成個香港嘅網民去參與。
當然都係果句，果個小朋友家長都係kam kam地架啦應該。唔係點會有人出賣佢，咁易俾人起到底
咪玩啦，你唔會咁做，我都唔會囉
最多靜雞雞掉咗個鉗去洗碗機。
你繼續美好地活喺你自己世界啦。
網民都冇鬧過小朋友, 你都講左發生係你身上會道歉, 其實你驚D乜
2個讚