如題
我屋企, 由細到大都係大年初一第一餐(果日通常遲少少起身, 煮得黎都已經係午餐)食齋
但之後食完呢一餐齋, 可能下晝兩三點已經食蘿蔔糕(有臘味), 晚餐照食肉
想問下大家屋企, 初一都係只食一餐齋, 定係初一全日都係食齋?
正常就係全日食齋，因為大年初一唔殺生。
N年前啲人都係年三十晚先食團年飯，個個食到好飽大魚大肉，咁初一食齋清下腸胃，初二開年又大魚大肉。我理解咁樣食法都係好。
1個讚
知年初一係食齋，以前細個老人家都好似煮齋菜食，南乳枝竹粉絲髮菜個款齋菜。
但到自己大咗，無咗呢樣，年初一朝早已經煎蘿蔔糕食。
2個讚
我屋企都係咁，初一係全日食齋，我自己本人就麻麻地食齋，就簡單食啲菜清清淡淡咁過一日。
到結咗婚，夫家嗰邊無規定，而另一半都鍾意素食，咁我就照安排初一係食齋，覺得都係一年一次都ok，反正第二日開年都會好豐富。
1個讚
細個好似全日
但有蠔豉
2個讚
其實我都係早上煎糕糕食，晚上就食齋
1個讚
話時話, 之前都聽過有人講初一食齋有落髮菜蠔豉, 真心唔明點解食蠔豉都叫齋
我屋企係第一餐食齋，之後都會食葷。
我婆婆 & 有啲長輩會年初一全日食齋
2個讚
我阿公有煮雞蛋添
佢地應該只係冇血腥殺生掛
屋企冇食齋嘅習慣
家家都唔同
全日
1個讚
年糕馬蹄糕黃金糕頂住先
1個讚
我奶奶屋企淨係晏晝食齋，我爺爺就初一夜晚先食飯，一定有齋（冬菇炆髮菜嗰d) 同有雞有魚
1個讚
逢初一、十五都會食素，我食奶蛋素，唔係食齋
當咗係豆豉
2個讚
我屋企係初一全日都食齋, 初二開年一定會有魚,
不過老人家過晒身後已經冇人跟呢個傳統, 想食乜就食
1個讚
娘家因為大家族，通常初一中午食齋，夜晚食開年飯就大魚大肉，一日過搞掂曬
結婚後奶奶屋企就要分兩日，初一全日都食齋，初二開年
1個讚
中午食齋，夜晚就會食肉
1個讚