我懷疑A有情緒問題
大班人嘅群組，講下買嘢美容之類
當中有兩三個朋友係空姐，飛果陣會喺group度問大家有冇嘢要幫手買
有時A會話邊樣邊樣用曬，好崩潰，話冇晒存貨（例如eve藥丸，泰國蚊膏之類），咁B/C會話我下星期飛日本/曼谷，到時要唔要幫你買
A冇回覆
好多時B/C喺飛日本，會喺群組講一陣六幾點行藥妝，有冇人要買嘢？有時仲會@ A問佢係咪要買嘢呀
A冇回覆
咁慢慢大家就冇再問A
咁B/C返嚟就會約大家攞貨，A就會話你哋開心啦，買嘢都唔預我
嚟緊新年大家約咗喺群組其中一個朋友新屋搞團拜，搞手12月尾已經喺群組問邊個嚟，因為要訂到會，搞手又要預人數同隔離屋謝凳
D同E話要睇下屋企拜年情況先決定，而A一直冇講嘢
到今日晏晝，搞手喺群組問D同E會唔會嚟到
跟住A嬲咗搞手，嬲埋B同C， 話個個特登唔理佢
搞手都即刻耍冧，話自己冇記性，問佢嚟唔嚟
又冇回應
B仲send埋自己比A嘅PM，但A冇覆, 或者過幾日覆返句「sor好忙、呢傢先睇到」
跟住A好激動不停錄音轟炸
搞手好無奈咁私底下講，佢打比A被cut 線
玩咗一晚
A喺群組講，話自己把口衰，但個心冇嘢………
建議A唔好放棄治療
我以前有個類似朋友，佢問親我嘢都有求必應，我就簡單問候一句都唔覆（喺我無利用價值既時候）
我直接疏遠佢
sorry 我好小器, 不論佢咩原因都好, 長期唔應機, 我只會同其他朋友另外開過個group
我只感覺佢好唔尊重其他朋友同好無禮貌, 所以我都唔想再俾呢d 人轟炸我, 完。
應該冇開始過治療… …
佢似燥鬱，又或者本身就係咁
朋友咋喎，無責任做佢情緒垃圾桶。
唔記得有冇撈亂另一個樓主, 好似都係有個朋友約佢邊度等, 佢都阿之阿左, 巴士又話唔識搭, 搞到其他朋友特別take care佢。
樓主同其他朋友私下對A有咩睇法? 如果唔忍心疏遠佢, 大家為有繼續忍
呢d 跳掣人，總會有少量人會就佢嘅
好簡單，開過個冇A嘅群組，問題解決
而且我覺得A係冇睇群組嘅訊息，所以miss咗你哋買嘢聚會果啲嘢
咁既然你哋講嘅嘢佢都唔想睇，咁做朋友係為乜
之前另一個post有人問如果朋友有問題, 你會點, 我就係答左如果已識落一段時間, 只係後期變左, 我真係未必忍心疏遠, 所以變相更加縱容呢D朋友
而家whatsapp有置頂功能, 可以pin幾個message置頂, 樓主不妨試下呢個方法, 完全冇唔睇pin message籍口
佢應該有啲情緒問題，你哋次次cap圖比佢話佢冇覆，問佢大家應該點做先唔算冷待佢，睇佢點答
大家算有口德，都冇特登講佢，係搞手比佢cut線先私下呻兩句話揾佢啦、佢唔聽
大家都4x,仲小學生嬲人！？
其實成個群組好多人，大家有熟有唔熟
有啲人都係買野果陣先出下聲
我覺得A唔係想嚟，只係無端端借提發揮
有傢，聚會係一定會置頂
因為大家都開始冇記性
打呢件事上嚟純粹講下師奶間是非旺下場
好大機會唔答
我覺得佢似雯雯果種Attention Seeking
不過佢環境好過雯雯好多
我都好似樓上幾位咁諗, 開過個谷唔再預佢, 因為朋友係相向, 十問九唔應之後就話人地唔理佢. 係佢無記性定睇左無回定點?? 如果佢成日都係咁我會 cap 圖比番佢睇問左你無話要或去無回應即係唔去, 大家都一樣會忙無話可能時時刻刻都問住, 無改善就開過新谷算.
以前有個朋友都係咁, 約食飯叫佢又話呢樣又話個樣, 每次我都會早一星期再提一提約左幾時係邊度, 跟住佢就話我約左人唔記得左. 之後我地再約食飯朋友叫我問佢, 我話我唔會再問要問你地自己問. 老實講如果你覺得唔啱傾唔想去大可以出聲唔使次次都搵籍口唔去.
呢個真係最好方法。
又唔怕人地唔開心，圍內嘅又可以開開心心攪活動分享下。
唔想嚟又要人地三催四請
佢就係呢種
呢個世界唔係淨係可以等佢唔高興同唔開心囉
講真，人愈大愈唔想要please呢d人