老公家姐前年確診第4期肺癌，已經擴散哂去唔同器官，唔同器官都做過手術割腫瘤，做過哂化療電療免疫治療。係冇得醫，只係buy time
幾星期前又發現擴散去另一個器官，又要做電療。但佢而家身體好虛弱，大家都佢未必捱得過今次電療
我同老公上年已經買左機票下個月去歐洲，訂左酒店，機票酒店都冇得退。航空公司話酌情可改期，但每張機票要幾千手續費+補新機票嘅price difference，total 蝕over 1萬。
問題係，改機票日期等於要fix 一個新嘅日期，我驚如果佢家姐過到今次但到下次旅行前又出現同樣狀況，咪又要加錢改機票？
我同老公已經30中，想把握時間生bb 前去長途旅行，生bb 後難咁自由去長途旅行
想問有冇人面對過類似情況？你哋會點處理？係咪家人過身前唔會去長途旅行？
你老公點睇？
呢啲嘢最緊要佢嘅感受，遺憾係幾多錢都買唔番。
如果有證明文件，
可以試吓同航空公司/酒店傾下變cash coupon，cash coupon到期前再去。
我會睇老公頭 話曬佢家姐
如果改期 費用由老公出
下次改唔改就再算
嗰個係佢家姐佢決定，否則被男家話
我至親末期時，我係連生育計劃都推遲，因為我預計係懷孕中途如果佢走，我諗我真係會受唔住。
最後佢走嘅時候，雖然大部分嘅親友都喺身邊，唯獨佢最愛嘅一位親友去咗旅行，雖然對方收到消息都已經安排趕返嚟，但都差了一天才趕到。雖然係遺憾嘅，不過大家都唔想，因為無人預計到佢幾時走，只能夠接受人生就係咁。
我覺得最緊要你老公點睇、佢地關係好唔好？同埋喺咁嘅情況去旅行能唔能夠盡興？
老公家姐，老公話事啦
講真一早book左，而且又唔係父母，唔算不孝既
我都同意老公家姐就老公話事
都係睇佢哋感情係點
真係要睇大家感情有幾厚, 你老公點諗? 如果你問我, total loss 都係一萬幾千, 我會揀留低… 一萬幾千再搵唔難, 但人生同死都只係得一次…
呢個一定要大家傾好，錢同感情二選一，免得將來大家有條刺，我個人意見係錢可以搵過，人走咗就走咗，至於有小朋友難有長途旅行，都唔一定，我Easter 都一家去日本，玩足11日
我唔會呀
人總係會生老病死，幾時嚟邊個知，分分鐘聽日就走，又可能過多一兩年都未走，咁不如隨順因緣，大家繼續正常生活
同埋我有經驗，我爸爸都係cancer擴散咗，佢最後一次入院，醫生已經講要做心理準備，咁就知道爸爸差唔多會走了，咁如果你臨飛前收到咁嘅訊息，咪唔好飛囉，如果飛之前佢都冇咩嘢，咁咪照飛囉
不過最後都係問一句，萬一你哋飛咗嘅時候佢真係走咗，你哋會唔會好後悔冇見到佢最後一面先？
樓主係咪好耐無去旅行?
臨飛先遇到咁既情況, 的確係幾掃興
但同意樓上講, 等老公自己決定, 免得有咩事第時發生, 佢有咩後悔/ 遺憾, 令佢有條刺
如果去旅行途中家長走咗是否會趕返黎？嗰度loss都有一萬 仲要掃興 內疚 唔開心