算係分享下，BD 應該有好多人係英國，以下都係我小小感想 
可能唔100%啱
11月尾同老公去倫敦玩，我十幾年前去過讀書，但依家都唔同晒。加上人又老咗。
一樣細微但我好大印象既係，倫敦人係會幫後面既人hold 住度門。 我係去到先記得係咁。香港由其是covid 之後，冇乜人會，可能之前都係，仲要好多係sip出sip入唔想掂，但倫敦係基本禮貌。
我同老公玩咗2個星期，覺得啲人係禮貌但係都唔會話好warm。同老公有討論過係咪華人既關係，我話倫敦咩人種都有，但我哋本身內向又反應慢，同佢哋講英文唔會有嗰種傾計既感覺，接唔到佢哋先會咁。
仲有，倫敦多咗好多人！ 可能以前讀書多係平日free time 出街唔覺，但有啲位都幾辛苦。有搵返以前同學食飯，佢哋都話冇必要佢哋都唔會入倫敦。
最後，倫敦好貴 
食個Krispy kreme 要2磅幾。坐低食個中午都講緊一人20磅（我哋求其搵）。景點都係多去啲免費嘅，但係overall使費都好大。
今次無去到英國其他地方，有機會再去下其他城市。
同埋英國既男人都好「男人」
我拎住行李坐地鐵，其實我老公拎住另一個落樓梯先再上黎幫我
但有2次都有男人主動幫我拎落樓梯
非常多謝佢哋🩷
香港…9成冇。而且體格上一般都冇咁壯
今日先知港男媽寶世一，肚腩壯健，三高尿酸就高
最L仆街有啲仲要係人前扮晒大男人，見到阿媽就成個智障仔。呢啲男人真係見到都要調頭走。
我反而想知，英國人多唔多啲Mr. Bean嘅人？因為呢套劇都幾洗咗我腦。
出街食飯係超貴，大家幾卦住日本拉麵都好，唔好去 金田家，又貴又難食，唐人街可以不去，小心 pickpocket，我舊年個 trip 第一次見過零元購，見到過印度人由韓超抬左包米跑出門口，啲客呆左睇住佢走，但超市韓國人員工當無事發生，咁都得。
公園暗角入黑後會見到有人隨街小便，Zone 2 一啲類似香港居屋一帶嗰類商場，係有陣尿味。去咗水晶宮公園行左個幾鐘，入面個公厠好耐冇人清潔，尿槽塞左尿滿晒。
Canary Wharf 一帶甲級寫字樓和商場最似香港。
呢個價錢我揀 burger and lobster啦，再俾多少少已經有龍蝦食
出街食飯方面
倫敦對比其他歐洲大城市唔算特別貴
對比非倫敦嘅英國城市係貴多少少, 再加12.5% service charge. 但倫敦人工高, 正如食茶餐廳中環食一定貴過屋村
我諗好多人覺得英國出街食貴喺同香港比. 喺香港用$100可以入茶餐廳坐低食個飯, 但英國要坐低食個飯起碼£20起跳. 但當你肯俾£30一餐嘅時候其實同香港$300一餐嘅質素開始接近
同埋如果你華人胃咁倫敦真係少選擇, 要識揀
2024年聖誕假期果陣去咗London一次, 再對上去好似係COVID前
唔知係假期多遊客定咩原因 成個感覺都好差
好污糟, 好亂, 好嘈, D人癲癲地咁
搭巴士, 搭underground時, 車停果陣, 有D乘客企唔穩陣, 跌一跌, 竟然有人大笑
用contactless card俾錢, 又收多咗我
check返之後應該無記錄我其中一程車嘅出入, submit claim form後話10個工作天內有回覆
到而家都未有
見到呢個post後醒起追追先
好奇非倫敦城市幾多錢一餐？
喺香港自己都唔會去遊客區揀d 劏遊客又唔好食嘅鋪頭，所以食嘢想平 (d) 要花心機去搵，但遊客區應該都唔會平得去邊，人哋鋪租都要錢。
三年前暑假夜晚去食 burger and lobster 好似唔使三十磅一個人，高質，不過之後聽講加咗價，同埋有人話伏。
我覺得去London 食嘢、交通都接受到，交通每日有上限貴極有個譜，係搵住宿貴，平少少都好舊或者遠。
有，但貴，我寧願食fish and chip，雖然好多人話劣食，但我食過都大件夾抵食，同好食又有魚可以揀，十幾磅一個餐，一個大人食唔哂，加個細路啱啱好。
出街食，邊度都貴，minimum wage 十一磅幾，又tax又service charge !
如果同朋友去倫敦食飯，我會係訂枱app搵main course 半價既餐廳 （通常飲品無折），抵好多
人工都差一節，所以正常啦
同埋遊客區
酒店房真係有獨立廁所都要£150
大城市, 邊到都差唔多.
只要當地D反文明民族唔好肆無忌憚咁搞事, 我覺得已經唔錯啦
我覺得D人成日話倫敦食野又貴又唔好食
有一大部份原因係華人胃