八八掛掛分享
啱啱食早餐，聽到隔離位兩個女人喺度傾計，大慨係咁
A: 揾三萬幾都唔請工人，兩個個細路先啱啱中學，又冇人幫，日日放工就趕住返屋企煮飯，一係就買外賣，放假想約佢出下街，夜晚食餐飯又話行唔開，咁辛苦為乜
A又透露自己有姐姐，星期六me time,星期日先湊小朋友
B: 佢老公都唔係揾得少，都唔明點解唔請工人攞苦嚟辛，又冇曬時間，我妹揾萬五都請工人啦
我聽住佢哋講，直覺認為呢個「同事」只係怕咗佢唔同佢出街食飯。
其實自己唔怕辛苦嘅話，唔請工人都係一個取捨，屋企少個人，而且又可以多間房用，又少啲開支。
定係普通香港有小朋友嘅家庭，月入到某個數「請工人」已經係一個must
最八掛係我
聽完兩個唔識嘅師奶講嘢都擺上嚟講
可能睇個阿媽捱唔捱得，同係咪好鍾意小朋友咩都親力親為一手湊大小朋友。
我有朋友四個小朋友，佢生第二個都無聽佢講要請工人，
到生咗第四個，睇得出錢真係唔多夠洗，因為好多開支，工人無請，但就買咗架車車小朋友返學返興趣班。
人地請唔請工人又關佢事。
我有幾位朋友雙職父母都冇請工人。
有D有四大長老湊，放工返屋企自己湊返。
有個就因為之前請過兩個工人，兩個都有麻煩野，所以索性唔請。
有個就唔鍾意屋企有個陌生人所以唔請。
如果車同工人二簡一，我都會簡車先，唔計揾泊位，出入方便好多
每個家庭都有唔同需要和考量，人地請唔請工人唔一定關搵幾多錢事。而且小朋友上左中學都可以自理就算無工人都一樣攪得掂。小朋友細個時會請工人但好多都係上左學就唔再請工人。
係香港先會認為生左小朋友要老馮請工人?
宜家大把人一家大細移民去第二度, 外國都無工人啦, 咪又係咁生活
同感, 隔住個mon 睇你文字都感覺到呢兩條友八婆
照顧小朋友唔係自己責任? 自己責任卸俾工人, 仲覺得自己人生嬴家咁?
大把請工人請到話仔女當工人係阿媽
況且人地請唔請關佢乜事
中學已有自理能力，或者人地平時一家四口會幫手做家務，又或者請鐘點。我反而覺得更重要係可能想留多啲錢比仔女補習/讀大學。唔知佢老公搵幾多，三萬人工真心唔多，仲未計要比錢長老、保險、自己退休計劃。
幾時同事間友好到放假會專登約出來，呢兩個八婆冇其他朋友咩，要約同事咁陰功
如果唔請工人但搞到屋企人就衰，我聽到好多都係咁，又唔比錢，又要搵兩邊屋企人笨
如果佢唔自己搞得掂就冇問題啦，啲錢係佢嘅
有朋友生咗兩個就請兩個姐姐照顧，但變六個人住好在佢屋企夠大。又有另一對couple係因為養狗請姐姐去放狗。
不過真係好睇人，屋企多個人，又要多一筆洗費。我自己就會去到真係冇計先會諗請姐姐。
我娘家都係，請姐姐係負責養貓同做家務，養貓係要包括埋陪貓玩同摸貓貓
而家呢個姐姐做嘢慢冇咁多時間剩，以前個姐姐做嘢勁快上晝已經做晒，晏晝就向房摸貓傾電話，總之佢做晒啲嘢又錫貓貓，我哋就唔會理佢做咩
我覺得請唔請工人經濟只係其中一個條件，雖然我未嫁前娘家都係工人照顧開，經濟上都唔太擔憂，但我就鍾意自己湊小朋友自己做家務啱心水啲，我老公都唔鍾意屋企多個外人，所以我哋從來冇諗過請工人
我覺得係
如果屋企經濟ok，身邊就會覺得請姐姐/養車=必須
以前喺香港，ftm一打二
老公都有問不如請個姐姐幫輕我
我話咪搞，我唔想湊多個
兩個已經夠勞氣，再要教埋姐姐我驚會斷氣
可能佢同事就係唔想請工人呢、一家四口自由自在仲好
諗返起，我覺得請工人睇小朋友真係要好小心。見識過（菲）會摸小朋友private area, 加上之前有過既新聞，覺得佢哋對呢啲冇咩boundary。 我知咁講係有啲一竹竿打一船人，但會好驚，要小心揀人，唔係對小朋友留下陰影好大影響。
請工人唔係請機械人，要supervise佢做到你嘅要求唔易，人又有情緒，又要食飯，水電煤又用多好多，屋企多個外人又唔方便，唔係諗得咁簡單。請外援我零願揀洗碗碟機、掃地機械人、乾衣機
，前題係冇小朋友要照顧
跟收入未必有關係. 我舊同事兩公婆加埋20萬, 一個小朋友讀中學, 只係用鐘點星期六黎做半日
咪係, d 人成日講到, 噢你請個姐姐, 都係一個月幾千蚊咋嘛, 就有人幫你湊小朋友做家務
講到好似subscribe 電話月費plan 咁, 好簡單呀, 你俾舊錢就自動有服務, 唔使煩咁樣?
人黎架, 唔使俾地方佢住? 加上文化差異, 又人人唔同性格, 一齊住一定要時間磨合。manage 多個外人先至係大問題
係, 就算有小朋友, 你搵得工人湊, 都要間中搵長老/熟人得閒上去望下眼
人地其實係唔想同佢去街
題外話,有D家庭無請工人,但係個老公同仔女當左個呀媽係工人…
BK都有啦,搵老人家湊仔,之後上網數老人家湊得唔好 
我都識人以前同奶奶住,個女俾奶奶湊,個新抱咩都睇唔順眼,最後個女大個啦,個新抱特登嘈交搬出去住