有冇人有經驗可以俾下意見？
聖誕節我哋本身一早諗住去玩兩日一夜，出發前幾日奶奶身體唔舒服，佢冇事嘅時候去打麻將都得，但佢嗰幾日就突然唔舒服，病情都唔輕微，但我哋叫過佢去醫院佢又話唔使，我哋就照出發，係我哋去到酒店之後老公個妹就打嚟鬧我哋，話我哋次次都去玩，奶奶最近身體不適多左，暑假去咗兩日一夜返嚟99又唔舒服，再耐啲之前復活節又試過一次，但暑假同復活節嗰次都係得我自己同小朋友去老公冇去，姑仔就話我哋次次99唔舒服都去玩，我哋而家同奶奶住佢話我哋有責任睇住佢唔可以成日顧住去玩，奶奶每次入醫院姑仔都日日去探望，
噉我覺得你做女日日去探望就當然要啦
又冇理由剝削我哋一家親子嘅權利同埋做媳婦嘅就要日日留守喺屋企看守住奶奶？
我自己都有小朋友要照顧，想講我小朋友唔係乖而且都確診左有情緒問題，奶奶有病本身已經唔係好開心再加上小朋友又活躍，我帶佢出去其實我自己都辛苦但我喺屋企湊佢更加辛苦，姑仔仲要講到千祈唔好要奶奶幫我哋睇住小朋友，首先我亦都想講我從來冇要佢睇過小朋友，因為佢身體已經咁差我都唔想佢湊小朋友，我而家每日煮飯俾奶奶食又要買餸煮飯再加洗碗，雖然佢唔需要我埋身照顧佢，噉買餸煮飯洗碗其實都好累，點解唔可以調返轉諗我哋而家同奶奶住已經係照顧緊佢，我只係放假嘅日子出去輕鬆兩日噉都唔可以，佢打嚟鬧我老公嘅嘢其實全部都係鬧緊我，因為佢未婚未有小朋友，搞到噉樣我有啲後悔結婚同搬返嚟同奶奶住，因為搬過嚟住之前唔知道奶奶身體情況會突然咁差，做媳婦嘅有少少嘢就畀人有排講但係做得好嘅就唔會有人贊同，其實咁樣我心都好累。
唔洗理佢。8婆一個
佢啊媽佢照顧正常不過
你老公點睇？
幫下手可以，但唔好將責任推過黎！
講到尾係「你啊媽」病，「你啊爸病」
「你哋」幾兄弟姊妹的事。
我首要責任係照顧我自己既家庭，姐係我，我老公同我仔。完結
13個讚
一定會將你post既野原封不動話返佢。
講真呢啲就係有兄弟姊妹既麻煩野。有兄弟姊妹係suppose大家back up大家。宜家講到佢去咗探佢啊媽，第二個就無做嘢咁。
我會同佢講，再嘈就唔一齊住，叫姑仔自己睇返。
7個讚
我非常同意。但姑仔如果咁話我老公，我覺得我老公都會唔想去旅行。驚好似係衰仔咁。
1個讚
係，而家我老公都怕左佢，唔再同我去旅行，即日來回都唔去
咁我都會好激氣。
但我會睇吓佢係咪真係咁啱病定長期病。如果長期病我都覺得真係唔顧得咁多。可能我會自己同小朋友去。老公要做孝子就自己做。
長期病但身體好麻煩，唔係小事，個個月都要去醫院，我本身ftm要照顧家庭
咁真係好難講，我覺得大家都唔prefer同奶奶住同住ftm就係想阻止呢種情況發生。
你宜家有啲洗濕左個頭，宜家佢病先黎話搬走就好難。你自己又無工作，如果可以用工作為由唔照顧屋企先有得解決。
咁係你姑仔嘅問題，佢唔歡喜可以接個阿媽同佢住，佢想點照顧都得
我覺得你要先分家庭次序，小朋友/老公第一、99第二、跟住可能係你原生家庭、你姑仔都唔知排到尾幾
一啲唔重要嘅人講嘅說話，你又阻止唔到佢講咩，唯有自己唔好放向心
2個讚
如果我姑仔夠膽打嚟鬧我掛住去旅行唔照顧奶奶，我一定會幫佢做個孝順女，將佢阿媽連人帶行李送去姑仔屋企
樓主你已經做得好好，姑仔覺得你地去玩唔照顧奶奶，但日常生活難道唔係照顧緊佢咩？
4個讚
佢覺得日常生活係99仲照顧緊我地，因為以前系，但而家唔系，我已經做返哂所有野，啲人話既然佢咁驚99辛苦就應該自己照顧返
正確做法係唔需要理會
但我就冇咁高EQ, 我係你就diu 返佢！（將你post所講既陳述多一次）仲有佢係女，照顧阿媽係應份既
睇到你 comment 話99以前都有照顧過你哋
咁你好好諗吓；你想繼續照顧99 當報答/還番俾佢就繼續做
如果你覺得，喂我都做夠啦呢幾年
咁就搬走啦
你叫啊姑仔自己照顧返阿媽囉佢咁巴L閉
2個讚
叫個妹請工人睇住佢媽啦
耐唔中去一兩日短trip都要講到咁大件事
1個讚
佢既然咁擔心，點解又唔同呀媽一齊住？
2個讚
樓主你辛苦了
就算你係奶奶個女, 你日日去煮飯俾佢食都仁至義盡啦
唔知姑仔又成家立室未? 如果有姑仔老公, 係咪你老公又可以order埋姑仔老公要幫手照顧你奶奶呢?
我係你真係唔客氣, 同你老公講, 宜家係佢妹無理取鬧, 以後佢一打電話黎鬧你即刻收線算, block 埋whatsapp
姑仔有老公，佢講到我地搬返黎住係有 責任 睇住奶奶，平時佢都冇理過奶奶，因為我地搬左過黎，佢冇上過屋企，只有每日打電話問下奶奶
呢個又係麻煩位
d 外人總覺得, 一家三口同長老一齊住, 一定係為左慳錢唔請工人, 然後靠長老照顧小朋友
宜家姑仔就係咬住呢個位, 認定你地拎左著數 (雖然我地知道你唔係)
不過另一方面, 唔知你奶奶又係咩立場, 點樣同你姑仔講
一係你同老公傾下, 可唔可以你地搬走, 俾孝順既姑仔日日上去照顧奶奶? 
2個讚
以你姑仔呢個格，第日你奶奶走咗佢一樣chur住你老公唔放，話佢唔理家人淨係掛住自己頭家，你哋一去旅行就發癲
1個讚
系呀，佢仲話奶奶幫左我地好多，佢一直都覺得系奶奶幫我地而唔系我需要照顧奶奶，我諗奶奶會講而家都系我煮飯，因為姑仔whatsapp我老公，唔好要奶奶幫手做任何野，湊返自己個仔，兩公婆搞掂哂啲野佢，奶奶身體甘差唔好再麻煩到佢。
呢個姑仔真系好鬼麻煩，既然佢甘諗我都同老公講佢搬返黎住啦，做人甘計較，但姑仔又想同老公二人世界，因為我地有小朋友又同奶奶住，你話要完全唔俾奶奶同小朋友接觸又唔得，甘岩有一次姑仔拎野過黎，見到奶奶帶住我仔落街，就比佢有位入問我老公做咩自己唔湊返個仔，果次系因為奶奶答應我仔獎勵佢所以同佢落去買野
我感覺佢覺得我地欠左奶奶咁，所以到奶奶有事我地必須要照顧不能行開，行開就系罪人