4歲小朋友應該要學咩？
興趣班定學術？
個人喜好：體操同英文拼音
1個讚
冇經濟考慮嘅，我會咩都試吓，唔試唔知佢興趣係咩喎
每個星期學1-2堂，唔好同時學太多嘢
學拼音要坐係度唔會好聽話，因為小朋友鐘意動態運動多，又唔知佢鐘意咩興趣
出面有得試堂玩嗎？
有啲有有啲冇，冇試堂嘅咪報幾堂上吓先
剛剛幫個女報咗學溜冰，$650/5堂，都唔算貴，上咗5堂鍾意玩嘅先再報
同埋我係想佢出街接觸多啲人為主，學習吓跟指令、守規矩都好，總好過成日留向屋企
我小朋友四歲半開始上音樂劇, 鋼琴小組班.
學嘅目的係咩？ 面試小學 定 將來個人興趣？
４歲 最大路都係學游水，拼音，珠心算，畫畫，黏土班。
其次溜冰（如果男仔學識溜冰可以搵冰曲個啲玩），幼兒籃球，乒乓球，平衡車／單車。
真心建議學second/third language. 玩住學都得
呢個時期係學語言嘅黃金期
喜歡畫畫嗎?? 唔喜歡更加要去…
我小朋友唔鍾意畫, 上到小學咩科既功課都有機會要畫畫…慘不忍睹 (e.g. 中英文閱讀報告, 常識畫動植物, 數學畫圖形, 聖經畫天使…)
呢個我同意，當先叫小朋友去學係因為細既出世，俾佢kill time，學左兩年，但睇番佢小學既視藝功課唔太差，仲試過貼堂（但唔係靚，可能欣賞佢顏色創意？）呢排佢自己畫啲dog man風格漫畫仔又似模似樣
所以畫畫都係求學技能
Third language未免太進取？
好多小朋友4歲連中英文都未搞掂。
1個讚
有興趣學畫畫
少少問題想請教：你地會唔會覺得學完畫畫，佢地啲畫風冇咁童真？
我小朋友就冇，依舊好童真
可能我哋係去學興趣班，唔係為比賽個啲
讀書時修ART啲作品大多都成展品，真係無乜感對貼堂，又唔覺對將來有咩用。
所以我唔會特登要小朋友去學畫畫，都係自己教，交到功課就得拎個B就算。
Third language 我諗小朋友快極都高小完咗個呈分試學都唔遲，記得讀中學好多同學都係個時學日文。
所以咁細個打好個中英文底，過多兩年上到小學，起碼作文可以嘔少幾桶血，反少幾次白眼。 
（有啲離咗題)
一般香港都有學廣東話同英文,咁興趣班接觸第三種語言都可以
例如普通話,日文之類
我嘅意思唔係坐定定咁學
而係接觸吓個語境
作為第一步,第時大個想學返會容易好多
呢個應該係比純港人家庭啲小朋友學。 
我小朋友無學，但覺得學係好，唔理佢大咗會唔會再學易唔易pick up。
但細個學唔會咁抗拒呢個語言，我小朋友呢家返學覺得最悶就係普通話堂，因為聽唔明。
其實都睇小朋友天分同使用上需要～
有啲大人細個無學普通話，現在用起上嚟一樣流利。
當興趣班無反對嘅，但前提係小朋友無語言遲緩問題。
我屋企就係三語環境，我個仔三歲前都唔講任何句子，最後揀定咗講英文，佢先開始進步。
外語興趣班成效不大. 上到小學多功課測默多數會放棄, 而選擇留體藝.
同埋學上去, 平時冇語境, 靠每星期一堂, 要大量死背, 好難持續.