同朋友食飯, 席間佢話有D感情問題想問我意見. 朋友年過45, 有個穩定既男友, 對方同朋友一齊時係有老婆既, 佢話同老婆無感情、老婆發癲、老婆想離婚等等，最後係離左婚同朋友一齊, 不過因為佢屋企人唔接受我朋友, 所以佢地一直無結婚.
朋友話最近有個亦師亦友既舊同事同佢示愛, 我問點解無啦啦會示愛, 原來佢地經常聯絡, 關係比朋友好但又未至戀人, 朋友曾經同對方講係朋友心目中係有好特別既地位, 於是對方示愛, 而對方係有老婆, 又係話同老婆無感情、老婆發癲、老婆想離婚. 聽完, 我同朋友講同而家個男友好地地做乜要搞咁多野, 朋友話只想舊同事知道佢係自己心目中既地位, 無諗過對方會示愛, 對方既條件係好過自己男友, 對自己照顧有加 bla bla bla.
其實當時我係反白眼, 差D想講你又黎介入人地既婚姻? 不過唔好意思講到咁直接, 所以只係重申叫佢唔好搞咁多野.
對於朋友再次介入人地既婚姻我係反感既, 即使好鍾意對方但遇上時唔啱timing都無辦法架, 而朋友又唔係十分非常鍾意對方, 我真係唔明做乜要做D野去引對方示愛, 好好玩咩? 都幾十歲啦, 唔係應該同另一半好好經營而家段關係咩, 梗係要做第三者? 仲有, 男人有外遇既理由就係同老婆無感情、老婆發癲、老婆想離婚，好似段關係失敗係唔關自己事咁.
其實我最近都有近似嘅經歷，不過我唔係第三者個方，而係結咗婚嗰方
我同老公結咗婚多年一直都好穩定，最近同認識多年嘅男同事傾得好埋，其他人都感受到我哋好曖昧，而我係冇同同事講我係結咗婚。其實我都唔知點解自己要咁做，明明老公對我唔差、好遷就我，但我就走去同人哋搞曖昧。
可能某程度上係想顯示自己嘅魅力，增強自己自信，知道自己仲可以吸引到異性⋯
所以我覺得你個朋友引到同事同佢表白，其實動機唔係咁簡單，並唔係純粹想話俾對方知佢有特殊地位，而係想展示自己有能力吸引異性，或者係想現任緊張自己多啲
如果朋友同我咁講、我會話乜咁刺激呀，我老啦，受唔起之後帶過話題，呢啲嘢聽過就算，唔會比意見。
最多會勸佢，小心比人地老婆發現擺上網，身敗名裂。
4個讚
咁多年新年同事派利是比你繼續袋袋平安？你返工填form婚姻狀況果欄話自己單身？緊急聯絡人唔係填老公個名？
其實男人食人妻只係覺得就手，女人知道你搞啲咁嘅嘢，只會覺得你水性楊花返工唔係做嘢，唔會覺得你有魅力
如果係朋友係好難judge，尤其是咁大個人，如果識咗好多年就更加唔會多講
我只係覺得通常啲人為咗刺激冇諗到後果，但到發生事時就發癲咁就唔好
純粹分享吓我嘅故事，細節位唔多講，你覺得唔合理嘅話，聽吓咪算
我非常肯定男同事係唔知我結咗婚，有魅力呢種肯定唔係要人哋俾我，而係我想去確認自己，其他同事點諗我一啲都唔在乎。明明知道呢樣嘢係唔啱，但係一旦感受到其他人鍾意自己，難免個心會有飄飄然嘅感覺
而我係認同要及早抽身嘅
1個讚
其實婚外情真係好普遍，理性地講，係人都識分對與錯，但我覺得呢種關多數係新鮮感同激情，少啲定力好容易“終”咗入去，舊時公司眼見都有三pair，親戚都有試過，甚至依家我表親戚都係咁…
老實講吖，男嘅點會唔鍾意左擁右抱，女嘅鍾意多人錫自己，唔係鼓吹，我只可以講要玩就玩得醒啲小心啲，如果唔係就會多咗啲兇殺案
2個讚
如果有朋友咁問我, 我會答佢, 男主角係你男朋友, 你會點? 呢種人只係自私, 出於貪玩, 好勝(想知自己仲有無市場) 多過愛… 玩緊火咋… 之前一次未消到埋身佢好彩, 但唔係次次都咁好彩…
4個讚
m_m_m
14
係咪覺得宜家男朋友唔肯娶入門所以心淡？
一腳踏兩船最乞人憎，一係放棄宜家嗰個換畫囉，最緊要唔好拖泥帶水。
1個讚
佢朋友未結婚咪會戀愛腦囉,我識個女人又係40幾歲,離過婚都好戀愛腦 
1個讚
戀愛腦既人係唔會聽人講野,只要男人一招手,佢地就會鍾個頭埋去,為愛壯烈犧牲 
1個讚
你嘅思考都好正路，佢要同邊個一齊係佢自己嘅事，我唔會介入，婉轉啲講出自己感受就算
1個讚
可能諗住老左都要有個伴掛,我識戀愛腦既女人都比較自私,只係理自己同個男人感受,對其他人都好差
