落片糖都得㗎，或者自己整薑蜜？
我尋日全日淨係食到一包餅，水可能飲到半支，全日個胃都頂住，覺都瞓唔到… 今日好少少就盡量食多少少生果… 我都睇到話頭3個月BB唔係靠吸收媽媽嘅營養，希望而家我越辛苦代表佢成長得越好，努力撐到12w希望可以食得返嘢喇
我都係水果會比較食到，有食蕉，柑，車厘子呢d，不過食完其實都會有排唔舒服，但起碼食得落，同埋因為飲唔到水，食水果起碼有d水份吸收下…
我屋企人唔知我做緊乜，而家都係呃佢哋話公幹，所以只有老公可以過嚟陪我，但佢返工好忙，上次聖誕假時過咗嚟幾日，本身就要到1月中先再嚟一日，但佢見我就快崩潰所以啱啱星期六都過咗嚟，拎埋我喺iherbs買嗰d薑糖畀我… 留左一晚就要返香港喇…
而家有d薑糖都頂到下，我都未必有精力落床自己煲嘢，不過如果返到香港都仲係咁，我會試下煲陳皮薑水，謝謝你
而家我老公喺香港拎咗d薑糖畀我，應該頂到下
原來你都經歷過… 我今次未到4w就偷驗，因為係做IVF，放胎後第8日我就驗喇，驗到有就繼續隔日抽血，每朝繼續驗尿確保佢有繼續深色，都驗到5-6w先冇再驗…
雖然而家話孕吐反應好辛苦，但上星期有一日我突然有胃口食得落兩個蛋撻，就已經即刻好擔心如果8w孕吐反應就消失，BB會唔會有事… 我而家喺台灣都去兩個地方做產檢，因為佢地通常安排你兩個禮拜照一次，我去兩個地方做，就可以"卡拉"咁每個禮拜都照到一次… 其實如果我唔係咁唔舒服，我應該會每個禮拜照兩次lol…
一個人喺呢邊，又出唔到街，冇咩distraction, 所以容易亂諗嘢… 希望平穩過度，返到香港一切穩定，又可以做返嘢，就唔使咁神經質喇…
恭喜你啊. 
我個時靠飲檸檬水, 陳皮同話梅渡日.
希望你好快會冇咁辛苦. 加油呀LELIA~ ^^
1個讚
你做IVF,診所可唔可以幫你吊鹽水，補充水份會好d
我有日返去診所吊針時聽到隔籬床嗰個媽媽應該係吊緊鹽水，所以應該係可以request, 不過我當時已經左手吊ivig,右手吊intralipid, 要吊3-4個鐘，所以冇問吊鹽水… 我住得唔近診所，嗰時個人虛弱到落床都冇力，好難再特登出去吊鹽水… 總之就惡性循環… 但後來我發現係因為我住嗰間service apartment本身唔知係渠定通風有問題，長期有陣怪味，原來係陣怪味24小時地trigger我作嘔唔舒服，所以連呼吸都想嘔，水都飲唔到… 之後我寧願另外畀錢搬去酒店住，先至好返d, 起碼飲到水，食到少少嘢…
而家返左香港喇，13週，上星期都叫正常食到嘢，但而家又開始有d反胃… 希望到左14週會好d~
3個讚
想請問你喺邊間做? 可以吊IVIG同intralipid? 我都有search過呢D
你有免疫問題嗎？
我喺王家瑋度做IVF, 佢診所有個免疫醫生姓楊，但只係得星期一早上應診
中醫推介紫蘇葉煲薑水可紓緩孕吐,我試過係舒服啲
但我飲薑茶覺得好難飲，而家煮菜/滾湯加幾片薑，都覺得難食/有怪味，食/飲唔落，所以so far我都係煮過兩三次… 已經17週，我冇食過一餐正常嘅飯… 希望到20週會正常返 (不斷將我嘅期望延後)…
係涼茶味,本身紫蘇葉都係紓緩孕吐嘅,所以可以唔落薑,我嗰時有落少少糖,冇咁難入口
咁請問你喺邊度買紫蘇葉，點樣沖法？
普通藥材舖/中藥房.煲水
1個讚
我估你好快就會正常番, 到時希望你胃口好好食番多d 野, 支持你呀樓主
1個讚
謝謝你，17週，終於食得返嘢~
2個讚
咁就好喇, 好好享受美食啦! 
1個讚
我又返嚟喇…
之前17w有一兩餐可以正常進食，食得晒食得飽，以為孕吐反應已經消失，但原來之後都係一餐得一餐唔得咁，有好多嘢都仲係食唔到，包括雞蛋、菜、大部分肉類(一時得一時唔得)，就算以往好鍾意飲嘅湯水(花膠雞湯、魚湯)都飲唔落會反胃…
主要有兩個問題，希望有經驗嘅媽媽可以分享下：
-
唔可以從飲食吸收營養、蛋白質… 盡其量有時飲一包滴雞精，有盡量食牛油果、飲牛奶，但牛奶同孕婦奶粉好似會令我爆瘡，我怕身體發炎指數升，因為我本身有免疫不孕問題就係發炎指數好高… 另外就係靠食supplements… 咁樣其實夠唔夠營養畀BB?
-
有食到d生果，甜食亦係唯一我食得落嘅嘢，有時晚餐完全食唔到，就會叫糖水返嚟食，通常食牛奶燉蛋白同桑寄生蓮子茶，叫做有蛋白質同安胎，但前者真係比較甜。我以往好少食甜嘢，但而家係日日都食，好怕食到妊娠糖尿，亦怕影響BB，睇到有文章話食得多甜嘢BB會容易ADHD，係唔係架？但我連甜嘢都唔食嘅話真係會餓死…
去公立同私家產檢，都有同醫生講呢個問題，我情況最差時體重跌咗7kg，到而家20w我體重仲係比孕前輕3kg… 但每個醫生都好似覺得你行得走得，冇嘔到脫水，即係冇事，藥都唔會開畀你，大肚係咁架喇… 佢哋咁放心，咁係咪就算我食唔到嘢，吸收唔到營養，BB都可以健健康康？慶幸嘅係BB size一切正常，所以醫生覺得冇問題，但我都仲係好擔心，而且咁多個月冇食過一餐飽飯，本身鍾意食嘅嘢全部都食唔落，長期飢餓但又反胃，我自己都好沮喪，成日都好攰，心情麻麻…
1個讚
辛苦你, 精神支持你!!!