背景:
個女2歲半, 自出世平日奶奶湊最多, 爸爸有幫手, 媽媽就weekend 自己solo. 疫情過後, 個女一歲半請左工人姐姐分擔下. 但個女都係prefer 跟麻麻. 麻麻都錫個孫既, 每日都會黎帶佢落公園玩.
問題:
奶奶有d old school 既育兒方法, 我兩公婆唔認同, 例如
1.為左令我個女企定定經常開電視, 連幫我個女換衫, 餵飲湯都要開電視.
2.經常恐嚇我個女, 如果你唔聽話, 麻麻走架啦, 唔錫你, 唔要你 ,etc. 有時仲會襯我個女睇
緊電視, 玩緊其他野, 偷偷走左去 , 搞到我個女極無安全感, 麻麻稍微行開一步都會喊.
但奶奶完全唔講得. 每次我老公講親話俾少d 電視, 唔好成日嚇佢, 同行開離開都要同我個女講聲 , 佢都會話
" 我幫你湊女, 有錢收架? "
" 咁叻你自己湊返"
我老公就被佢K.O. 左無野好講. 內心極度無奈. 因為小朋友都好痴麻麻, 同麻麻帶出街比較安心. 所以好難話, 以後唔洗佢湊
請益 :
究竟我老公可以點樣回應 ? K.O. 返我奶奶轉頭
KO佢嘅方法咪就係自己湊番囉
因為小朋友都好痴麻麻, 同麻麻帶出街比較安心. 所以好難話, 以後唔洗佢湊”
抆插蘇，收埋佢。
淨係叫工人姐姐湊，你唔放心就無辦法，自己衡量俾奶奶幫手嘅利與弊，佢回應都好明顯唔會改
依家就話兩樣問題，再大d 又唔知多幾多樣，要佢幫手就預咗有說話聽
真係為孩子好要強硬,呢啲唔係話咩孝唔孝既問題,見你寫佢都會話" 我幫你湊女, 有錢收架? " 咁叻你自己湊返" ,就已經知道父母為工作交第三者照顧孩子, 左右做人難,呢啲真係要自己決定,第三者幫唔到你點回應. 我就係因為見到奶奶太要面子,在外對人地BB比自己孩子既BB更照顧,但都係表面,人地BB父母走了放下給奶奶照顧後就另一回事,所以我才決定放棄工作自己湊. 襯小朋友仲細早啲脫離好過,再大啲同父母更生疏咩都聽奶奶話就慘啦.
搖控都收埋佢，等佢睇啊拿
的確唯一辦法就係唔洗佢湊
佢呢啲係格黎架，冇得改
好難控制另一個人做乜，甚至乎改變一個人都係好難，尤其是依家雙方都咁強硬。所以唯有集中諗你同先生自己可以做啲乜（你同先生都立場一致，呢個都係好難得嘅地方）
如果係關於恐嚇呢個point，我會由依家開始每日都同小朋友講話無論佢係乖定曳爸爸媽媽都一樣咁錫佢，雖然BB唔明白語言，但係你望住佢講用你嘅語氣充滿愛同埋堅定，佢應該會明白，去到佢大個你都要繼續講。
其實都無乜嘢可以做
姐姐又好、長老又好，要人地幫手湊就無得限制咁多。唯有好似樓上講，放工自己湊時灌輸返啲正確觀念。
又或者留意下屋企附近啲社區中心，有啲機構會攪啲育兒課程俾bb同長老咁上（表面好似bb上堂，但實際係佢去上堂），如果佢肯帶bb去，咁都係一個好方法。
呢啲將來一定有無限問題，你奶奶亦會不斷情緒勒索，你講多句就一哭二鬧，最好唔使佢湊，快啲諗辦法
我是過來人，我媽媽幫我湊，間中有大有小的爭拗，好彩是我家姐會出口幫我，自己亦調整心態去接受某些改變不了的事實
以前我一放工(我是不用ot)和放假就回我媽家陪伴小孩，儘量不讓我媽和工人插手，初時小孩子都我媽多些，一歲後情況才有改善。後來兩歲多時有一次旅行時孩子病了，我去洗手間時孩子也不肯跟我媽，我就知道我的陪伴真的有起作用，你們也要加油！
K.O就無謂喇。
叫你老公同番阿媽講個女你地兩公婆湊＋工人。
如果阿媽有異議咪講番你地睇唔過眼嘅事。
至於小朋友，衰啲都要做，就係講嫲嫲衰嘢，要你女知嫲嫲做埋啲你驚無安全感嘅事，而工人姐姐唔會咁做。
梗係自己湊返啦，有埋工人姐姐幫手，我覺得趁小朋友都係2歲幾，佢哋感情都係established 2年only, 快趣啲接返個女，之後再多啲陪佢玩，伴讀又好，帶佢去主題樂園，帶佢去play room 玩，staycation ，玩水等等。全部嫲嫲都唔會帶，唔會做，自自然然阿女就會跟返你，因為你同佢去多玩，小朋友只認邊個帶佢玩、邊個陪佢多。你要搶返個女係要付出好多時間！
無、我發覺就算你有工人唔駛靠佢、咁既性格都係非常之麻煩、只能盡早送女係n 班減少接觸
你咁諗就輸左了
只係湊左2年，你已經打定輸數你做呀媽會比唔上99湊
你根本都想倚賴，但又上黎呻，想搵人認同下可憐下你
做人有骨氣d! 2年啫，小朋友好易被洗腦，所以你既擔心只係借口。
好多人都係睇唔過眼比人湊而落手自己黎，人地得你點解唔得？但如果有一萬個理由唔做，就比人揸頸就命lor, 就唔好呻了。
淨係呢兩句我唔會比佢再湊，乞人憎
兩歲前奶奶湊無問題，但慢慢大，係要「教」同灌輸價值觀嘅時候，如果仲貪舒服由得奶奶湊，教壞左盞激死自己！
其實比晒工人湊+自己陪多啲同教育，奶奶間唔中上黎淨係玩孫，對大家都好！
利申：過來人，個女接近兩歲時奶奶都成日黎幫手湊，因為我當時part time讀書。我因為頂唔順奶奶嘅湊法同教法，又深深明白靠人幫手就無得咁多嗲，所以決定我自己搵份工做，再請工人湊，希望奶奶淨係間中幫下眼玩下孫咁
點知奶奶一知道左我地準備請工人，完全唔溝通之下，第二日已經立即唔再黎我屋企，同我媽講叫我地湊飽佢。
大佬，我啱啱開始返新工，做人原來可以咁絕情，好在我無比我個佢繼續湊，教壞晒。
好好彩我個工人六星期就上工，未黎過香港打工架，第二日我只可以返工前企喺窗邊指比佢睇街市喺果邊，麻煩佢用智慧自己摸索
，我好對唔住佢，無時間train佢，初期係由得佢煮菲律賓菜比我地一家食。呢個工人係好好！
如果你奶奶唔係同住，你都請左工人，就快三歲都快讀幼稚園，其實都可以減小你奶奶幫手。針無兩頭利。奶奶既做法係改變唔到，所以你只好考慮邊樣做法對個女最好。始終小朋友大大下返學時間會越黎越長，相對你奶奶照顧小朋友既時間比較短。
當年就係有人咁同我講（佢仲要收緊我地五位數字家用，小朋友唔係喺佢度過夜，星期五晏晝+weekend全日係自己湊返），我即刻自己湊返，小朋友育嬰院，之後全日n班，同老公輪流接小朋友放學，公司假期唔夠就請no pay
去到covid, 有人仲比說話呢傢停課睇吓你係咪咁巴閉搞得掂，我即刻辭職唔做，食埋佢個仔原本比佢份家用
靠自己好處係，男家飯局唔駛成日出現，過年過節我心情唔好，都可以話唔舒服唔駛出現飯局
我唔叻，但我唔x駛靠你
well done! 靠自己最可靠！唔使睇人面色
最重要係你老公同一陣線。