話說我移民咗加拿大。
有個朋友本身係加拿大藉，不過好多年前回流咗返香港。 我唔知佢有無打算第時會返番加拿大定點啦。
但佢3日唔埋兩日，就係咁send d 加拿大唔好嘅片俾我。
例如話市中心有人吸毒呀，又或者金行俾人打劫嘅片俾我。
我完全冇覆佢，但佢都keep住咁send, 其實係咩心態?
同埋佢本身有好多親友住咗喺加拿大。
我覺得好煩
可能要block 左佢whatsapp 一段時間先得
佢真係係你朋友？
如果覺得煩就block鬼咗你個位煩膠友
1個讚
你同佢講你果度安全
有心
直頭block左佢
簡單啦，你send返香港慘況嘅片俾佢咪得，老實講，每個地方都有好同唔好，呢個係正常嘅
7個讚
我都好想知wo, 你有無打算問下佢，如果到最後都諗住block 佢的話。
突然諗起之前有個舊同事, 自從佢做左業主之後, 好似覺得買左樓得到勝利一樣, 有一排係咁send d 買樓有關既新聞俾我睇。
後來我都無理佢一排, 佢先無再send
我自己嘅做法係，
靜音佢！
自己唔睇就算，由鬼佢send，得閑清空佢。
3個讚
如果平時小聯絡傾計，咪直接同佢講唔好再 send過黎，新聞我自己會睇。其實唔知你想點，全世界日日都發生，只係睇下新聞會唔會報出黎咁解，唔報唔代表無。
我有諗過咁答佢
咪就係，每個地方都有好同唔好
唔通我又要日日send香港嘅唔好新聞俾佢咩。
正所謂睇人XX最開心，有啲人係會放大負面嘅嘢黎證明自己嘅選擇係啱，其實唔係淨係講緊樓主呢個情況，我觀察到有移左去唔同國家嘅人都好鍾意見到另一啲國家有負面野就放大佢又成日講，呢度都有移左英嘅人係咁放大加拿大啲負面新聞，講到咬牙切齒，唔知仲以為佢係移加唔係移英
可能佢就係想證明英國呢個選擇好啲正確啲？
6個讚
小粉紅只會踩低外國，枱高中國，到你話中國唔好，佢就會講外國咪一樣
樓主我同你有類似經歷，不過我係留港個個，當初朋友移英後不斷send 香港有幾差既新聞俾我，同佢反影後佢話佢只係講事實係我玻璃心。Fine, 於是我亦時不時send番英國差既新聞俾佢，特別係後期多左人移英唔少人都反映英國既問題後，佢其實都冇癮，我地後黎就冇再聯絡。
最近由另一朋友口中得知，佢老公原來係今年年頭已番黎香港(佢口中毫無優點既鬼地) 揾錢，得番佢同佢仔女係英國。只能講人生好長，有時講說話唔洗咁絕對。
8個讚
唔知幾時開始，移民同留港就變左二元對立問題，雙方都有種我唔想你過得比我好既心態。（某啲人）
唔使理人點講，邊度生活開心果個地方就係家。
5個讚
所謂踩要睇下對方心態，我踩漁村政府同左膠政府不遺餘力，但好多人想證明自己移民決定正確就踩對家，呢啲同小學雞無異。
做人應該以事論事
點計都係移英班友踩香港多過樓主講嘅情況la, 而家英國差先收下聲
2個讚
呢D人無非想人認同佢留港的決定.
同佢講,中國香港真係好好,外國真係好差,如果唔係_ (小朋友讀書唔 叻etc原因)_一定返香港.
佢選擇得到肯定,心安了就無需再做無謂小動作.
如果熟嘅，坦白問佢，否則靜音加封存，隔一段時間再睇吓佢仲係唔係一直咁無聊