我估我屋企個小朋友已經唔信，不過佢把口仲會話信，因為講咗唔信嘅話就冇禮物收。
啱啱聽到有朋友講，因為唔記得準備禮物，佢同小朋友講聖誕老人已經死咗。
前幾年又聽過下話有人同小朋友講聖誕老人中咗covid，所以冇禮物
各位Merry Christmas
1個讚
信啊，仲要好信個隻，想拍片偷影聖誕老人黎屋企派禮物來說服自己d同學世上仲有聖誕老人
2個讚
好得人驚，但笑咗
1個讚
唔知仲算唔算信
佢地知Santa is not real, just a story
但依然會期待Santa送禮物俾佢哋
等到有日佢哋唔再期待
我就唔使平安夜倒杯奶+準備mince pie俾聖誕老人
然後自己半夜食返
3個讚
香港嘅小朋友係咪少啲相信呢？因為聖誕老人嘅故事都係屋仔爬煙通，香港高樓大廈唔啱個setting
我小朋友細個嗰陣話份禮物係爸爸媽媽俾聖誕老人再俾佢 
1個讚
破窗而入lor. 睇左red one, 幫我完美解釋點樣超音速派禮物，完善成個故仔。
1個讚
信呀，平安夜晚仲同小朋友一齊睇CBC news 訪問國防部門第69年點樣追蹤同確保聖誕老人順利完成路線，預測佢幾點鐘進入北美領空，話佢哋會儘量wave Santa但佢實在太忙，又提小朋友9點瞓覺就可以幫到Santa順利派禮物 
信呀
仲要求我同老公早d瞓唔好阻住聖誕老人派禮物俾佢
2個讚
我小朋友8歲應該半信半疑，因為又真係收到聖誕老人比嘅禮物喎。
我有解釋聖誕老人其實唔係得1個啦，有條聖誕老人村，寫信比聖誕老人又會有回覆。所以其實佢原本可能已經唔太信，但媽媽又繼續咁樣講，佢咪又信dd
諗返起自己細個時，屋企有條抽氣扇排氣管，就自己幫佢諗應該就係喺度入，雖然係有疑惑嘅（條管咁窄同埋點過到個抽氣扇呢），但小朋友就係咁，都會選擇相信。
至於我自己小朋友，佢地好細時都信架，慢慢就唔知佢地邊度知返嚟，佢地有悄悄同我地講知道係爸爸媽媽扮嘅，我地都笑笑否認，但大家依然會好期待過聖誕，對我地嚟講依個係同至親嘅人一起過嘅節日。
除咗同屋企人。仲可以同朋友，同學，愛人渡過又溫馨又熱鬧。真係其他節日都做唔到。