小朋友上咗幼稚園
想搵份準時收工
冇壓力嘅工
部門連埋我有五個人
另外四個做咗20-30年
有一個出年六月退休
請我返嚟係接手退休呢個人嘅工作
但佢對我態度勁差
朝早打招呼唔會應你
訂咗公司嘢，問佢係咪跟之前一樣擺A房？
佢話你自己訂你自己諗點佢
咁我走去問上司，上司話擺A房ok，但件貨送嚟果日，上司出去開會，佢大大聲話件貨喺A房阻住地方
我同佢講出咗E-mail講件貨幾時到，會放喺邊，點解你唔出聲？
佢話邊會得閒睇電郵，呢度冇人會咁樣做嘢
問佢嘢一味話唔知，唔識，冇人會咁做，仲會答錯晒
其實佢負責嘅嘢我都識
只係唔同公司行政流程唔同
但佢教啲唔教啲
有時仲會講錯
我聽到唔對路
會隔一陣問多個同事
佢知道又唔開心
又成日喺我後面裝我做緊乜
仲會喺我唔喺度果陣同其他同事講我嚟咗搞到佢好大壓力
另外三個seafood相處都正常
自己觀察到
全公司都知道佢係咁
可能係開國功臣
同老闆父母關係好
所以地位無可動搖
上司話叫我做返自己嘢
話自己早兩年嚟做都搞咗好耐先搞得掂呢幾個老人家，又透露呢幾個老屎忽五六年入面就會退晒休
人工唔差
返09:30-1700
星期五3點放工
食飯可以食個半鐘
有20日AL，聖誕呢啲日子
23/12去到31/12非紅日都係返半日
但對住個退休seafood覺得好不被尊重
忍唔忍呢半年好
咩工都係：忍，但忍到影響自己mental health出警號一定走
3個讚
好心你，人哋又冇得罪你，又seafood又老屎忽，睇你都唔慌識尊重人。
1個讚
要方便湊小朋友工作時間又啱, 明知 old seafood 半年後會走, old seafood 係咁, 咪下次啲貨黎就問左佢放邊個房先. 返工半年都唔係咁耐, 嗱放聖誕假, 跟住就過年, 過完年無耐佢都走, 咪比佢再做下大佬囉. 最緊要你上司都知佢係咩人. 再講打招呼既嘢佢唔同番你講就係佢無禮貌, 佢咁樣我仲會大大聲同對住佢講早晨 _ 生. 至於話佢唔教咪由佢囉, 反正都知係點做咪自己摸索一下, 到時你想點安排都可以. 其實去到邊做都一樣呢啲人好難避.
其實既然佢唔答你，不如唔好問佢
直接問上司。
到時佢發癲你就要冷靜，「我問左上司話ok,唔岩你心水你可以自己擺返」
唔好比佢癲到你！
Old seafood係覺得自己威，要人比面佢甚至擦佢鞋，否則都冇好面色睇。食屎啦。
我都認同忍。
唔打招呼咪慳返，大家各自各當冇到
1個讚
一返工精神奕奕，早晨招呼我照講早晨，呢 d 係我既禮貌， 佢唔應機冇禮貌佢嘅事！福利 待遇又唔差， 糧公司出比你，可能佢真係好難頂，唔好因為某人影响你份工作，好快6月架啦！Add oil
使Q 理佢咩，老細都知佢咩料，做好自己本分，唔好俾佢影響到，佢俾說話你聽時唔需要俾任何反應。
既然佢係老臣子, 就無須尊重新人.
如果份工對你有利, 就不妨騎牛搵馬.
至於同事人際關係, 要識得談笑用兵.
兵道, 避重勢虛, 拉幫結派. 攻心為上, 攻城次之.
就當麻煩老臣子係小孩, 佢發脾氣時立即冷靜避開佢, 冷處理對方的惡劣態度和說話, 君子不立危牆之下, 見到火就要避, 唔好消耗自己的情緒, 千萬不要正面衝突, 跟野獸理論沒有好結果, 必要時借尿遁 暫避其鋒.
佢合作時你就正常態度同佢合作.
另外要跟其他人和上司打好關係, 建立自己的聲譽, 但唔好講麻煩老臣子的是非.
當麻煩老臣子見到你做人有點手段, 處事有些本事, 對你發脾氣又冇用, 慢慢就會被你的氣場鎮住.
做錯事可以改, 開罪人冇得救.
3個讚