如果寵物不適 你會情願
A. 幫佢吊命
B. 定係主張quality of life, 由佢舒服咁去
見唔少人帶寵物去到外國話當寵物不適，帶寵物睇VET時，VET會提議幫佢地安樂死而唔醫。反觀好多香港人會選擇日日餵藥打針。
好兩難
只要做一個你唔會後悔嘅決定就好。
以我隻貓為例，一年前確診咗腎病，原因係細菌感染，啲菌已經令到佢個腎萎縮到好細，就算清咗啲菌，個腎功能都唔會復原，至於可以挨多幾耐我就叫醫生唔好話我知，當時嘅醫生都有講試吓醫，如果唔得可以考慮打針俾佢走。
當時醫生都試咗幾隻唔同嘅抗生素，好好彩有一隻OK，餵藥餵咗成個月，每個月要去覆診，初初由食唔到嘢到可以正常食返嘢都搞咗1,2個月，過程係有煎熬亦有開心。
到咗一年之後，佢又開始唔食嘢都知道咩事…，帶咗佢去醫院，醫生建議留院，留咗一個星期，日日都有去探佢，之後醫生同我哋講可以做嘅都做晒，繼續留院都冇意思，咁我哋決定帶佢返屋企，至少佢會係自己嘅地方會舒服啲，同埋我覺得就算要走，我要陪住佢走到最後…
五日之後，我隻貓貓最後撲咗喺我隻腳度走咗…
我覺得要做咩決定係視乎你係用咩心態去對待，選擇冇對與錯，唔需要睇人做咩你就做咩，只要唔好令自己後悔就得。
8個讚
我會盡力醫，但如果見到寵物已經係活得冇尊嚴，好痛苦，行食瞓疴都唔得我就會送佢走
3個讚
盡力醫，冇得醫嘅盡量想佢自然走
但有啲情況係佢已經好痛苦，我會考慮安樂死，希望佢唔好受咁多苦
1個讚
係，我覺得只有適唔適合，無對錯，亦都無咁多‘’如果”。
我自己狗狗係突然病發抖唔到氣咁，去到醫院，可以選擇得幾樣：
（1）乜都唔做由佢自然走，但會非常辛苦咁抖唔到氣，醫生話應該仲要挨多幾個鐘才會走
（2）做一個大手術，但因為狗狗年紀已經好大（over 15yrs），風險係好大機會做做下心臟就頂唔順，死喺手術枱
（3）就係打針送佢走
最後我地都選擇打針送佢走，慶幸佢一打完就合埋眼好似瞓咗咁走了。
不過聽過有啲case打針後毛孩反應好大，都會好辛苦咁走。
1個讚