已離開了香港的楊官華「華記」，於12月3日以「墜機」形容香港樓市狀況，批評財政司司長陳茂波「阿茂整餅」，對撤辣猶豫不決，未能延緩香港墜機速度，不適合做香港財政司。港府在千億財赤下，仍浪費一億元捐贈亞發行。
華記強調言論並非吸引眼球博流量，「我唔需要為流量攻擊香港政府」。批評港府千億財赤賴疫情，身處日本從事地產買賣的他形容日本「經濟反彈到嘭嘭聲！呢度旅遊經濟幾勁呀！仲賴疫情?！」。港府旅遊及經濟策略失誤，例如浪費公帑舉辦Hello Hong Kong吸引鬼佬來港旅行，「一早話你有23條國安法唔適合歐洲人過嚟，過嚟要用一次性手機，一次性sim卡」、「旅遊警示話咗香港唔適合旅行，根本人哋落曬閘，你仲整啲Hello Hong Kong都發瘟嘅，根本嘥曬啲銀紙」。並多次自讚預測市道準確「一早講咗九點無夜市，周街靜到僕街！我係最早嗰批講！」
香港有國安、23條、煽動罪，華記直言「我唔喺香港先講」，香港大部分官員屬於冗員，「出糧就多，冇人識做嘢」，浪費納稅人金錢，自己韜光打卡影相。又批評立法會議員無人發聲，「係咪真係無曬反對派議員呀？愛國者治港就係擦鞋仔治港！明明係香港政府唔啱，點解無立法會議員出嚟嚴厲批評？理財咁差點解區議會立法會全部都係一言堂無人出聲，無人夠膽批評政府」。財赤下香港水深火熱，最終或向市民開刀加稅。又批評政府對經濟現狀苦無對策，百業蕭條，「來來去去都係靠內地輸血救香港，美食天堂、購物天堂去咗邊？…金融一彈就散，股票輸死人，地產股票瓜咗。香港仲有咩呀？零售呀？旅遊呀？唔好玩啦。你而家靠自由行咋嘛」。
另外盛讚特朗普對華政策正確，「你哋亞洲金磚四國邊條友搞貨幣，即刻剁佢冚家剷，特朗普咪啱囉」。呼籲港府應該仿效特朗普，解僱陳茂波。
\
