喺我哋細個嗰代(8,90年代)通常有一個家庭搞手，每個月通常都搞一兩次家庭聚會，十幾二十人好熱鬧。
但好景不常，個主軸家庭嘅老公返咗大陸包二奶，爆咗大鑊而離婚，從此此情不再，大家開始見得冇咁密，之後通常係大時大節先會見，一年見嘅可能一隻手數得晒。
加上之後因為某啲屋企人借錢問題，連僅餘嘅節日都唔想去，費事見到眼冤，一齊食飯嗰一兩個鐘都覺得辛苦。
2個讚
如果係同一輩，可能因為睇父母或者呀爺呀嫲分上，要保持兄弟情，隔咗一代就未必keep到，所以唔係你問題
4個讚
都係，因為阿公阿婆仲在世，大家點都會盡孝義。
情理上我知道唔係我問題，但其他親戚會定覺得我唔畀面，尤其我老母，最要面子
，但都冇緊要，我覺得你唔畀面我，你係我長輩都唔會俾面。
其實大嘅家庭聚會我唔去，但我私底吓會同返阿公或其他親戚出嚟食吓飯見個面嘅…
4個讚
我覺得，已經夠同埋已好好
1個讚
通常冇人攪就散水
3個讚
我果邊仲要慣性搞手出哂錢，到我地果輩真係冇人有興趣搞
3個讚
搞手唔係老奉出晒錢嘅又…家庭AA都好正常啦。
其實自己都羨慕其他人有family聚會，可惜自己family多牛鬼蛇神，唔去都係為自己過得開心啲
我覺得唔可惜！
當你阿媽只係當你同你老公仔女係佢請親戚食飯嘅戥腳石時，就算唔駛你俾錢都唔想去。
仲要講到明我仔唔食蛇都逼佢去。
呢種父母我心中只有孝沒有愛。
兄弟姊妹關係係天生無得改，但朋友關係係一個選擇，做得成朋友嘅兄弟姊妹關係先長久，否則父母不在時，就係緣盡嘅時候。
做搞手仲要出哂錢？其實大棚人食飯我讚成AA,長輩唔計、但俾人鬧有冇搞錯同核突。有時唔怪得啲後生唔想出席架、好明顯再細過我大截果啲唔駛錢都唔名出席
想通左就係你食唔食都唔重要、最緊要係你會埋單同子孫在旁佢有face
夾錢真係最煩, 年年新年一定大把人呻
親戚呢啲冇興趣或者有衝突就無謂夾硬出嚟，比乜鬼面，又唔係靠佢
如果冇基本嘅尊重，見嚟都無謂。
我記得細個我老母同我講過：“親戚係至親嘅人”，本來都覺得係，大個就知道點解我死鬼老豆咁憎啲舅父，我當你親戚，你當我契弟
1個讚
一樣米養百樣人唔好講親戚, 淨係屋企兄弟姊妹咁都一樣, 叫食飯一定去但永遠唔會夾錢著數自己攞. 到肯夾個時就唔比尾數 (例如 : $375 就淨係比 $300) 見人話搭的士返屋企想跟埋一齊, 但根本唔同路點一齊.
單就唔駛我埋，佢一定會俾返。
但face真係咁重要嗎？你又唔係李嘉誠，人地識你老幾？
我仔呢輩係無親戚（我同我老公嘅兄弟姊妹全部唔生），我覺得唔可惜喎，仲煩少樣。
我同朋友既經歷、尤其老一輩、無錢仲更加要面、唔知點解
好過邊個做搞手都係我埋單，比錢唔係重點，係牛鬼蛇神難頂，我都埋咗廿幾年單，咩都還晒啦！唔想再見佢地。
家庭和睦就值得羨慕啫 ~ 關係差何必勉強
係咪唔駛再見先唔駛埋單？