身為香港人嘅你,食過傳說中嘅小熊曲奇未?

如題,曾幾何時,聽聞jenny cookie 係遊客必買嘅香港手信。
我就未食過喇,只係聽到咁多人爭住買,好奇係咪真係特別好食?

唔算好食又唔算難食,我鍾意其他小店嘅手工曲奇,好味好多

1個讚

好早期係特登赤柱買過一次
因為太遠,上網揾食譜整過,原來咁簡單,因為自己整過一次,發現食佢同擺舊牛油入口冇乜分別……

10幾年前食過,有人請,話好出名
覺得好鬆化,好牛油,好肥
試過就夠。唔會特別想再食

其實咪就係普通牛油吱花曲奇… 以前啲街坊麵包舖都有架啦,一路都唔明有乜咁特別:joy: 幫襯華爾登好過啦

2個讚

係親戚屋企食過一次,食一塊係好食好鬆化好濃牛油味,但食第二塊就覺得好膩唔想再食。

我買嗰時唔使排隊,淨係得赤柱有。我覺得好食嘅,真係好鬆化(但好肥),不過俾大陸人唱好之後就無買過喇,同埋周街係都唔知係咪嗰間小熊。

1個讚

其實華爾登都麻麻地好食
搵岩食譜其實好易整,我成日整俾小朋友帶返學校食

1個讚

喺呢隻曲奇好紅果陣,有人傳佢係用馬芝連人造牛油整,不過比起黑心食物,人造牛油真係唔係啲乜嘢

1個讚

同事買來我試過, 唔識分有咩特別, 就係普通曲奇味

想當年毛舜君果間嘅曲奇餅就真係好好食

好耐之前同事買過8 mix請我哋食
我覺得好好食,好鬆化,牛油味又香
所以我自己都買過嚟食幾次
4 mix 就一般
後來要排隊,又多大陸人買,我就冇再買

邊間?

而家仲係唔係?

無食過,當我知呢個牌子時,佢已經日日喺尖咀好長龍

我以前鍾意食太子聯合廣場後邊果間舖頭,唔記得叫乜嘢名了

車厘哥夫?

無錯,你一講就記得。我讀小學時就開始食佢,幾十年了,最鍾意佢啲朱古力曲奇

1個讚

車厘哥夫都好食,我另外鍾意花墟間皇后餅店,絕對係老字號,家庭式運作,啲曲奇好香脆,我停唔到口

2個讚

有,某年公司個外地vendor想要,咁買開又買左嚟食

都算好食,但自己唔會買

初頭好鍾意食,會特登去買
尤其是一口鳳梨酥真係好香,餡同外皮的味道配搭得剛剛好,好容易一個接一口咁擺入口

然後排隊排到痴線就再無買過了