見呢度人少少分享吓心事
我已經結左婚好幾年，一直生活都平平淡淡，同老公相處都okay，不過佢個人係悶左啲，唔識氹女仔，又唔會講甜言蜜語。
有次我同個英國男同事開call傾公事，講起英國落雪⋯
我：好想睇雪
同事：你飛過黎倫敦睇，反正可以WFH，你可以黎我屋企住
我：⋯⋯（扮聽唔到）你就好啦，落雪好浪漫
同事：我屋企有多間房，你可以黎我度瞓
之後我就扯開話題，傾其他野，其實係有啲暗爽，好耐無異性撩過
當晚我同老公講返件事，點知佢話男人係人都撩架啦，對方仲要外國長大，唔出奇啦。我問佢乜你唔怕我俾人撩左去咩？佢答我唔怕，個男人喺倫敦咁遠，駛乜怕。
究竟老公點諗？佢係咪覺得我無吸引力？定覺得我因為俾人撩而開心好傻？
呢D可能係文化差別，外國人係比較熱情，而中國人係比較內向，結婚後平淡好普遍，因為感情嘅轉變，好多由愛情變成親情，佢唔怕你俾人撩走可能係對你嘅信任，而對男性嚟講，係女性嘅都可以撩嘅
我唔覺得你個英國男同事撩你喎，外國人住嘅屋比較大，好多時都會有客房招呼到訪親友。
我相信你拍拖時都應該知你男朋友（而家係老公）唔係一個好浪漫，好識得氹人嘅人啦，咁婚後平淡都好正常
想唔平淡可以由自己開始製造驚喜，氣氛，唔係定等男仔出手。間房約吓出街食個decent dinner，拍吓拖去睇戲都可以為愛情保鮮
哈哈 男同事好熟悉中國文化，所以佢咁講令我有點驚訝，不過亦都可能係我自己諗多左，所以我都唔敢俾其他人知，怕俾人笑我發姣
老公對我嘅態度都熱情咗少少，算係一件正面嘅事
你老公應該係覺得你太穩陣，唔會飛得出佢手指啦，所以佢完全係冇擔心過
好明顯英國男同事想搵金魚妻
同感, 好似完全無危機意識, 唔會覺得老婆會出軌
我都有問佢如果撩我嘅人喺香港呢？佢話男人好多都口花花，好正常，所以我唔駛咁大反應喎⋯
我唔太唔明佢諗乜
似乎你都冇擔心過平淡的老公會出軌.
其實係
佢唔太識同異性相處，個人又老老實實
証明你唔了解老實悶男的天然本能.
不過比老公咁講都幾冇癮
小學初戀
其實係你覺得老公無吸引力
後來我再問清楚老公點解佢對件事唔太上心，原來佢喺公司都會向各年齡層女同事開吓玩笑，其實都係為咗做嘢順利啲，同埋佢話男人比女人識得抽離自己（？）
所以喺佢嘅角度呢位外國同事都係隨口噏，為咗打好關係，返工處理事情比較方便啲。但其實呢位男同事向來都唔係一個特別友善嘅人（甚至有啲高傲），我同佢合作咗三年以上，係最近佢先對我態度有啲唔同，要扮nice應該都唔會而家先嚟扮？
我覺得其實老公都未係好明發生咩事同點反應好，佢想冷處理
佢老公可能覺得佢唸多左 
華裔女人比歐洲人白滑，年紀大少少對好多歐洲男人來講都仲係美食。
我都唔覺
男同事為免令樓主誤會，已經強調佢屋企有多間房
但樓主不斷以唔同理由說服自己人哋係撩佢，例如強調男同事熟悉中國文化，平時為人高傲…似乎係諗多咗
好彩喺度出post，比網友恥笑，都好過俾身邊朋友知道恥笑我，哈哈