細細個老豆老母成日話我：“乜做人都冇理想嘅你！”，佢哋覺得我冇大志，好冇用，嗰陣時十幾歲我真係諗唔到自己嘅理想係咩。
就算到咗廿幾，三十幾，我都有時試吓諗吓自己想要啲咩，或者想自己有咩個人成就？好認真咁諗過但真係冇咩idea。
到咗依家四十幾，我覺得咩理想都冇咩所謂，甚至到我嘅小朋友，我都唔會“迫”佢要有咩所謂理想，佢大個自己照顧到自己，可以咗自己覺得開心嘅嘢，咩都好，唔使一定係大事，就OK㗎喇，有理想嘅固然好，不過冇都冇咩所謂。
睇返轉頭，其實原來自己都完成過自己某啲理想，一砌都係隨時間出現，隨時間發生，唔係自己一早諗定，可能對某啲嚟講可能係小事，不過自己滿足過就好～。
你都好，細個老豆老母都同你講吓 理想。只少令到你有一秒諗下自己想做啲咩。
我覺得做人要有啲理想，就好似有個目標咁有動力向住個理想去做。
我又覺得係應該要有理想既,咁做人才有方向.
但理想又唔一定要好偉大或好有成就個種,簡單都可以是理想.
我都同意做人唔一定要有"大志", 但應該要有"理想"。
個"理想"可以係好personal 或者係比較生活化; 又或者隨住唔同年齡階段而唔同; 又或者係一個需要努力去達成既"心願"。
eg, 後生時我有個理想, 係想有機會讀多d 某一學科既野, 最後我part time 讀左個master, 我覺得我完成左呢個心願。宜家我三四十歲, 我既理想係想過某一個質素既生活或者我想有一個幸福既家庭, 一家幾口都開開心心, 咁都可以係"理想"
係咪pixar 靈魂奇遇記個靈魂仔，佢發現自己喺落葉搵到意義咁？
自己生命想點用自己define 到就好，只要唔影響到人，人哋意見只係參考，唔鍾意就唔洗參考
佢地嘅理想有冇成功先？
我高小嘅女話，大個想做個普通人。我聽到時覺得好大智若愚
Be Water
唔使有理想，但要有啲目標，有啲火，有啲為自己人生奮鬥嘅嘢，純粹為自己，唔係為其他人
做人最好可以explore自己嘅興趣，繼而發展成理想，當中要尋求達到理想嘅方法，但唔好覺得理想好遙遠，乜都做唔到，得過諗字。
呢幾年睇咗好多節目，好多香港人好犀利，追隨自己嘅夢想，係某啲領域又達到一定嘅成就。只要有動力大家都可以追隨夢想，特別係而家大家嘅經濟會比上一代鬆動好多
追求個過程都開心同有意義㗎，唔止係目標
好同意，過程當中亦可以得到好多滿足感
啱嘅，有啲事係隨住自己嘅人生可能會慢慢出現，雖然唔係咩大事，但至少自己經歷過，仲有嘅係原來突然出現嘅理想都可以有班志同道合嘅人一齊去完成，係好好嘅回憶。
我老豆係有一定嘅成就，所以我都明白佢都對自己個仔都有返啲要求嘅。。
怪唔知得。
相比一個窮到憂三餐交租，邊會咁得閒同你講理想。
好多人都係咁，好睇電視話個人有咩理想有咩夢想， 實質上一日過一日開開心心滿足就算
我覺得理想係突然間好似一啲睇法，先至開竅，想到先至可以去講所謂嘅理想
其實好香港式嘅理想/目標都係搵多啲錢，因為香港呢個地方係好現實，呢樣當然唔係錯，但都唔可以忽略自己想做嘅嘢。
其實我都係好佛系，既然都諗唔到啲咩目標，不如好似你講咁樣盡量開心過每一日，尤其面對過多次親人同寵物死亡嘅經歷，原來每一日嘅呼吸都唔係必然，um…好似講到離晒題…我只係想講好多事比理想更加重要.
以前嗰代冇錯嘅, 但而家旅行/移民比以前容易就有更多選擇
如果搵到錢諗到做乜就最好，但好多只係為搵錢，搵完唔知自己想點