同意
如果回ok啦,又會再追問 
我只係好hea咁講句,跌左少少名次~
不過呢個家長好痴線,有次佢講大話話佢個女考到中下名次,之後傾傾下d科目幾多分,我話無可能名次咁低,叫佢同返學校講可能計錯左!之後佢先好假咁話自己講錯俾我聽 
佢就係考試前會"勸"人唔駛溫書果種家長 
有次佢講大話話佢個女考到中下名次,之後傾傾下d科目幾多分,我話無可能名次咁低,叫佢同返學校講可能計錯左!之後佢先好假咁話自己講錯俾我聽
好怕呢啲「懶謙虛」嘅人
1個讚
佢咁大個人講大話真係好肉酸
其實大家想考既中學好大機會頭3間都唔同,佢唔想講佢女考第幾名佢咪唔好問我囉,我又無直接影響到佢 
2個讚
有d 人係好犯賤, 又要收風, 又唔想俾人知道自己d 野
我都識得個媽媽係咁, 我地本來係住新界同一區, 佢個小朋友同我小朋友同年出世
BB一歲, 就係咁問我會報邊間幼稚園N班呀, 問我in 幾多間, 有offer 未
係問左幾次
但問番佢揀邊間, 佢就耍太極, 哦都係樓下果幾間law
點知最後佢搬左去九龍塘附近, 幫佢小朋友in 左廿間, 俾佢搏到間都有d 名既幼稚園
我心諗既然你都搏九龍塘果邊d 名校, 咁你當初係咁八我報邊間做乜
1個讚
就係為咗自己感覺良好
疏遠左呢啲垃圾未？
1個讚
總有依啲家長，我覺得用已讀亂回方法應佢就算啦，無需要深交。
莫講話家長，我以前有朋友就係咁，叫你唔好溫書，但自己日日去自修室溫到關門，你去邊上興趣班、你用咩用品又要跟你，明明大家唔同校都好在意你啲成績
3個讚
講開我又諗起讀書時識咁既人, 奉承你幾句, 啊你成績咁好唔使溫都合格啦
但自己就幾科都補習咁
仲有一個仲好笑, 無心向學, 但又係咩都要同我比較咁。女仔黎, 果陣我同佢各自有拖拍, 咁果期興寫blog, 細個就跟風寫下自己同男友去邊拍拖, 食邊間餐廳食左乜野好食果d。其實只係可能只係行下商場, 搵間餐廳, 一餐兩個人食百幾蚊左右果d 普通晚餐。呢條友唔知點解, 睇完會跟足架, 事後又會影番相擺上自己blog, 見佢連續跟左幾次, 後來我地拍拖去邊我就無再寫去blog。 
宜家人地個小朋友入左名校, 又confirm 左我小朋友只係入左間區內排名中間既幼稚園, 就變番正常, 得閒同我呻下佢間幼稚園有咩麻煩野咁 
1個讚
其實佢話可能會搬屋咪得囉,你都唔會再追問架啦,係有D人真係好鍾意講呢D大話 
有次長假期,學校有活動問佢參唔參加啦,佢答我未決定好,點知原來佢一早買左機票去旅行!
1個讚
接放學同學校活動會見到佢,其實我已經HEA答佢,之前就係我朋友教我反問返佢同一樣野,點知佢會寧願講大話 
我以前都識過一個女仔好鍾意抄我,不過佢唔溫書既
1個讚
唔使認真答，以後反問返佢轉頭。佢問你個女考成點？即刻問你個女呢？再加100 點問題。
問到無嘢問，佢問你嘢就9唔搭8 咁答佢，呢期凍咗，d 衫洗完有排都唔乾，今朝早餐食咗個菠蘿包，裡面全部空氣，依家又肚餓，諗住返去煮個麵食⋯⋯
3個讚
正,已讀亂回,人地遲D就唔會搵你 
1個讚
我以前試過咁答其他人,但係我發覺我用呢招唔work, d人會不停追問,係到要問到個我唔想講既答案(係關於我女既野),最後我發難渣唔答,之後絕埋交
唔係唔work，係你未去到最高境界。
我諗起我以前我家長老亂９up真係佩服到一個點。
唔好有眼神接觸，望天望地好似諗緊嘢咁，突然抬起頭話「呀～我醒起仲未買米添，你知唔知近排d 米貴咗好多，我老公又麻煩淨係食xx 牌，但又真係幾好食嘅⋯⋯」
4個讚
我做唔到呢種高招 
hea答之後反問返佢,已經係我朋友教我先識 ,呢招暫時都仲幾好用
佢係wtsapp問我拎呀女功課/考試卷睇,我女大過佢仔一年,我已經話唔方便影,佢係咁問我已經已讀不回 之後係朋友group度我答其他朋友野,佢又再講起又話咩好多人都會share試卷有咩所謂,我堅持唔肯俾,(一俾就要俾足6年)而家已絕交…