真係不吐不快,小一時呀女同A同班,A有小姐脾氣,所以得我女會同佢一齊玩~初相識時A媽都好NICE,佢成日問我學校野,話A返學咩都唔記得,咁我諗住大家互相幫助,所以有問必答,之後學校跳舞隊選拔,我女入左圍,A無入,但最後我女都無去參加,因為我女想參加手工班,由果時開始A媽就開始變(現形)…
之後A媽就幫A報左校外既跳舞班,2年級時大家唔同班,我女個班主任係一個新老師,好多時講野都唔清唔楚,全班都唔知咩事,咁我自然就會問A媽學校野啦,點知佢態度愈來愈差,我只係好間中問下,佢就發脾氣話自己都唔肯定唔知呀咁! 
到左3年級時最老土既事發生啦!大家都係唔同班,今次我女班D老師教得幾好,我女成績有進步,A媽就成日有意無意咁話成績唔係最重要,開始叫我唔駛同個女溫書果D老土野,之後A自爆一星期補習6日,A媽就係咁兜話有5日係功課班唔係補習班 
成日都有呢啲
3個讚
大把呢啲家長
大把呢類家長，唔好放係心，hi & bye算
到左4年級,A話唔再係校內跳舞(佢係外面入左個勁跳舞團),之後話加入手工班想同我女同組,我女拒絕左,因為我女由一年級開始已經同B,C同組,我女同B係手工班做得最好果2個人,A媽知道之後打俾我,CLS 
質問我我女點解唔take care佢個女,之後我話人地4年同組唔會分開,我話你女一係自己搵其他同學一組做手工,一係搵老師幫啦!
1個讚
一年級時估唔到佢係咁
我下面仲有更新,係A媽再搵我
1個讚
小朋友事小朋友自有解決辦法，又唔係俾人蝦，咁小事，家長都要插手，呢個家長都好自我喎！真係啋佢都有味 
4個讚
除非小朋友係班中最叻或者最差，冇可能唔俾人知，否則盡量唔好俾其他家長知自己仔女咩成績，就算小朋友之間揚咗分數出嚟，俾佢家長知道咗，追問起你話係呀女自己溫就算，總之hea 走佢，唔洗同佢糾纏！我唔知你哋間小學係咩banding，因為有D學校有D家長，去到小五咁上下，你會見到佢哋有幾痴線，例如千方百計要查到成績有進步同學個補習老師係邊個！
其實兩個小朋友都唔同班，應該各自另外有其他朋友玩，索性疏遠佢阿媽啦！講真，哩D家長唔會得你一個相熟，你唔會係佢唯一可以依靠嘅人
4個讚
果然
1個讚
階級觀念做成既面子家長係咁,我孩子小學時候都遇過這樣家長,到現在還有在Whatsapp 問我孩子既學術情況,都唔知有咩好知.
1個讚
呢家長多數都係想同人比較, 如果自己個小朋友好過人地既小朋友, 就會係咁讚自己小朋友點點點, 仲要教你點去教小朋友, 如果自己小朋友差過人地既小朋友就會好似樓主咁話成績唔重要, 呢啲人敬而遠之就好.
2個讚
睇完成個故事，真係有其母必有其女
3個讚
諗起朋友個女，班頭，其他媽媽就問佢所有科既補習老師係邊個，然後跟住報。
最攪笑係，補補下朋友覺得唔岩個女要換補習，其他媽媽都死跟，攪到朋友搵新補習時竟然要預埋其他同學。
5個讚
我覺得家長之間保持返個距離會好d. 返學係小朋友返，學習係小朋友既事，校園內發生既事由小朋友take lead 去解決，我地家長只係輔助自己小朋友，適時提點一下，而唔係係呢個圈子搵自己朋友。
輔助到個呀媽打晒電話鬧人就太over了！
5個讚
哈！笑死
係咪有病啊佢！？
好彩啊女都醒目，廢事彩佢！
都好，咁樣連扮都可以慳返了！
Hi bye都唔洗
2個讚
睇字都覺得佢煩，其實A媽點樣同其他朋友相處
吐吓啦~吐吓開心啲。
我最鬼鍾意睇啲家長心態有幾痴有幾癲。
4個讚
你講中左 ,A成績就係差過我女少少,所以A媽"勸"我地唔駛溫書
3個讚