炒下場：愛英國先會緊張個社會
NHS有咩問題？我就試過要成個幾月先有位，最後放棄，好彩唔係大病啫
佢哋啲醫生護士人工低到，我聽過個護士話生活都成問題 
Touch wood 我喺度4年幾都未睇過GP, 有次病得犀利係直接去急症。感覺都係服務hea 啲，唔影響醫療。唔好同以前香港比較，我覺得可以接受。
但NHS服務真係幾乎人人都唔滿意，連啱啱到英國無耐嘅人都鬧。我都想知點解。
如果咁不幸有大病，就感受英國嘅醫療好過香港。朋友喺香港已經有病，去到英國復發，佢成日都話好彩去咗英國，唔係一定死咗。
喺英國，佢哋唔止醫個病，仲注重病人嘅心理狀況，同日常需要，唔喺醫院都會有唔同嘅上門服務。
醫病都辛苦，但我朋友話起碼醫護當你係一個人，有尊嚴。但普通病就唔會「享受」到NHS 嘅好，我諗大家都唔會想「享受」。
2個讚
大病喺英國NHS照顧得到，呢個都係好多人講過
我意思係我上次好彩唔係一定要睇醫生
香港人習慣，傷風、咳都睇醫生，同埋一定要食藥，接受唔到外國嘅「自然療法」。其實好多西方國家都唔會開藥俾普通病，唔係淨英國。
當然，NHS 唔係完美，好多問題好多進步空間。
1個讚
佢當初個設計同而家嘅人口比較，承載唔到，呢個係一個明顯問題
唔一定睇醫生我已選擇唔睇，嘥時間。
大家鬧完又未改善之前，大家都要諗吓點「自救」，或者降低要求諗吓好唔好去醫院、睇醫生。
Ps 唔係唔鬧呀，但鬧還鬧都要諗點繼續喺度生活
1個讚
因為book嘅時候好嚴重，但偶兩日後ok，所以都係唔使睇醫生，我係用“好彩”二字
發嗰下好辛苦，嗰刻一定係想睇醫生，唔會知道之後ok
我都驚下次再嚟點算
我理解係大病先快
細病食自己
我同老公一齊約期去抽血，但夾唔到同一時間，我個期早一日兼且唔同一間clinic做，抽完之後兩日已經可以響NHS app睇到報告！但我老公就等咗個幾禮拜都冇，佢就好驚唔知係咪有大獲嘢！之後佢個app 顯示哩次blood test係no sample shown （唔係lost
）…其實唔算係好嚴重問題啫，只係抽多次血