呢個世界多過3個人就有是非
我嘅認知係咁
我附近都多香港人，但我唔入group，唔比較，全部點頭之交算，冇是非纏身
佢地成日幻想外國人個個君子無是非
最後就垃圾桶推出拉入都可能有是非
我估深交就有機會有是非，但我同啲街坊講幾句感覺幾好，自己人
2個讚
其實呢個應該同香港唔香港人冇關
重點係 比人是非緊，自己知唔知
咩國藉人都會有是非。
同朋友又會有是非，三姑六婆又會無啦啦你嘅是非傳番自己隻耳到。
2個讚
所以我都唔明佢個finding係點，仲好多人覺得係咁
我而家住緊呢區係勁少香港人，搬之前住嘅區好多香港人。
因為之前住校區，所以我覺得係多仔女之間嘅比較，不過我個人深歸，無理。
搬咗新區的確感覺耳根清靜。
1個讚
我估，本地人都有，只不過融入唔到嗰個圈子，咪唔知人哋都有是非囉。香港人同聲同氣，講乜都明，咪容易聽到是非。
11個讚
仲有嗰啲香港人幫香港人
我搬新屋搞裝修都差啲俾香港人呃，對方仲係我哋剛剛嚟英國時認識嘅人，大家都客氣相處，點知到最後「唔熟唔食」，係有啲唔開心&失望。
我都覺得係咁
1個讚
又咁，做生意唔老實，乜人都有
貨比三家
咁如果唔係香港人本身又冇咁快熟，唔會咁快有是非同埋唔會咁上心，或者根本人哋講咗自己是非都唔知
距離感
1個讚
我諗先保持距離，唔好咁快咁熟會比較好
當然其他人啲是非都唔需要太上心，就算講到自己，問心無愧就算；更加唔好同人比較
仲有一個因素：香港好多人頭一兩年冇做嘢，一得閒就多是非
1個讚
其實驚人是非本身已經係一種是非
我鍾意住近香港人，香港人有種獨有嘅直率同熱情，去到某個關頭一定願意出手相助（唔係話其他民族冇）
是非呢啲可以避
1個讚
平常心，大城市都避唔到
「來說是非者，便是是非人」我就聽過啫，
點知有人想避開都中槍⋯⋯⋯⋯⋯⋯⋯⋯
其實你UM9