我求包養
2個讚
Matt 哥都留言
其實佢講個個案, 話屋企好窮無錢買床, 咁呼籲市民將二手傢具轉贈咪得
做乜一定要捐款?
7個讚
點解一定要捐現金，佢要二手傢俬唔會冇人捐啦
原來四個人都有到咁大間屋、叫住劏房嘅情何以堪
1個讚
我覺得實有人肯捐兼送埋上去
間屋直情又大又靚
啱啱threads又睇到呢個post
有人話開住個窗打開窗花，但係就俾個細路喺下邊瞓覺，係乜嘢玩法
1個讚
無恥
原來呢間NGO仲呃埋運費
1個讚
幾分鐘前仲見到post, 而家已搵唔返
Backup of 1st post:
《家徒四壁-傢俬轉贈求助個案》
曙光計劃收到由社工轉介嘅緊急求助個案，我哋了解個案後馬上探訪求助人，了解求助人嘅狀況及需要。經過曙光計劃同事瞭解過後，我哋知道求助人困難及每日面對嘅挑戰。
求助人話俾我哋同事知，求助人喺舊年接受手術後身體變得非常虛弱，完全喪失工作能力，另外求助人嘅妻子亦都不幸患上抑鬱症
令到本來已經困難嘅日子，變得更加困難。而更令人心痛嘅係，原來求助人家庭一家四口（連同兩位年幼嘅小朋友）因為無錢買床，每晚都係訓喺地蓆上面
同埋仲未能夠安裝到熱水爐去沖涼
近日天氣開始轉涼，曙光計劃希望能夠及時幫助到呢個家庭，讓佢哋一家可以得一個應有嘅家居環境
其實香港貧富懸殊差距真係好大，曙光計劃回收傢俬咁多年，我哋見到每一日都有大量仲好新淨嘅傢俬都有人丟棄（有9成新甚至係全新），但係喺同一個地方入邊，亦有好多家庭住喺家徒四壁嘅屋企，無能力購買到傢俬，喺資源短缺嘅情況下生活。
我哋遇到過唔少個案都係一家幾口買唔起床瞓喺地下，獨居長者咁耐以來都買唔到床瞓，只能夠鋪張地蓆瞓地下…哩一啲真係香港地嘅社會問題，若果唔解決，後果又會係點樣呢？
作為前線，我哋真係見到好多咁嘅情況
而呢一啲困難的個案，曙光計劃都係「頂硬上」去幫助，曙光計劃本身都資源短缺，但係我哋見到有咁嘅求助個案唔忍心視而不見，即使再艱難我哋都會去幫助
曙光計劃希望集合社會嘅力量，攜手合作幫助每一個個案，讓更多家庭可以受惠
如果您希望出一分力，可以去成為曙光計劃嘅義工，亦都可以透過捐款直接幫助求助個案
捐款方法： 直接存入「曙光計劃」中國銀行戶口，戶口號碼 : 012-872-10950-228
查詢熱線：22475988 曙光計劃
阿主席仲好委屈咁, 完全唔知自己衰乜
3個讚
Backup of 2nd post:
關於上一個post我哋都收到好多留言～
想補充多少少有關曙光計劃嘅資訊啊，大家唔好鬧住先啊
小編都反省過，無喺個post到解釋大清楚，對唔住
希望大家可以睇一睇曙光計劃係點樣完成每一個個案啊
首先要講下個案喺點樣嚟到我哋手上
曙光計劃因為係香港少有做二手傢俬轉贈嘅團體，而且歷史悠久（2007年成立），好多社工都認識我哋，所以我哋每一日都會收到大量由社工轉介比我哋嘅求助個案。
而每一個求助個案，社工都會清楚列明求助人嘅資料，例如：婚姻狀況，經濟狀況（現時靠什麼生活），健康狀況，住址，現時居住環境相片及需要申請什麼物資。另外社工都會解釋好多個案為什麼需要幫助
去到下一步，曙光計劃嘅同事收到轉介信後會去睇下啲資料，邊啲係比較急切需要即時幫助，我哋會去即時探訪度尺後去幫助。而我哋上到去求助人嘅屋企，都唔會有好多嘅審問/調查，避免有雪上加霜嘅狀況（不希望挑起求助人嘅情緒）。
我哋相信社工轉介嘅個案，以及全部要嘅資訊社工都提供咗俾我哋
二手傢俬咁點解會產生行政費呢（其實係運輸費）～
其實最主要都係搬運費用，因為我哋需要請司機，裝拆師傅及搬運工喺香港唔同地方去收集捐贈者嘅二手傢俬，仲要係提前一日去搬去倉到簡單執一執清潔/收返緊螺絲，再送去求助人嘅單位。而做一個個案嘅成本其實都由$3000-5000左右，主要去咗運輸費個到。 而轉贈二手傢俬困難嘅地方係，我哋上去收傢俬嘅時候要拆咗件傢俬先出到門口/入到𨋢門，去到求助人個到要再砌返好佢。由接收傢俬去到送傢俬，我哋一般需要1日半嘅時間
而講多少少，我哋咁耐以來都無接受過政府資助，主要都係靠做搬屋服務去產生經費去幫助個案（自負盈虧），只有少數人係捐款支持過個案。
曙光計劃由2007年成立到今日，幫助過嘅個案大家都可以喺社交平台或唔同媒體去睇到，有幫助過無家者上樓及添置傢俬、幫助過無數個獨居長者更換傢俬、送傢俬比偏遠山區鐵皮屋嘅長者、抬幾層樓搬雪櫃/洗衣機上去比劏房戶。
最難忘係山竹颱風嘅時候，有個地方叫鴨洲，成個村浸哂，啲老人家嘅傢俬全部浸哂，成個村嘅傢俬都係由曙光計劃去回收返嚟再送過去
講返上一個個案求助人嘅情況，求助人係大約半年前先上到公屋，而公屋內嘅基本建設都係收樓時有嘅，因為一直無能力購置基本傢俬先轉介比我哋（轉介原因係因為我哋幫助過好多個案轉贈二手傢俬），而求助人並無要求需要直接金錢幫助，只係希望可以接收到啲岩用嘅二手傢俬!
另外，如果大家擔心捐款唔知去咗邊，可以唔捐款（我哋都建議需要了解整個流程先捐款），另外假如您嘅傢俬合適送比求助個案，可以先聯絡我哋睇下合唔合適，之後再幫忙送到收集點!
回收部WTS：65770988
回收傢俬準則如下：
8成以上新，可重用電器，回收唔到訂造傢俬或入牆傢俬 
附上一張物資轉贈申請表格，並繼續接受物資申請個案
(因字數限制delete 左原文某d URL/ emoji)
仲要情緒勒索，佢應該揾PR覆啦
3個讚
反而想知南亞人係咪都係咁樣佈置？？
我見到佢地個地磚就肯定有錢過我啦，我以前舊邨重建可以原區安置。
我屋企窮Ｌ到只係買啲膠板痴地下，仲要係我同我老豆做，之後就搬埋舊屋啲碌架床咁就叫入咗伙。
5個讚
"同理心"唔係咁樣用, "家徒四壁"都唔係咁樣用
唔該讀番好中文先啦, 阿主席同埋小編
5個讚
主席的話
環保與我們的生活息息相關,我相信大家對於環境保護工作絕不感到陌生,但是我們是否真正明白甚麼是環保?又如何將綠色生活實踐在我們日常生活中?我們又是否願意為下一代著想,保護環境減少對環境破壞而少棄置仍可重用的傢俬、傢品。
我們經過垃圾收集站,不難發現有不少還很新淨,並能繼續使用的傢俱被棄置,可見我們未能好好善用資源,減少浪費。其實要實踐環保於生活,我們應從基本生活方式進行改變,改變都市消費模式,減少棄置 ,積極從源頭減廢做起。源頭減廢才是一個長遠而有效的方法去減少對環境作出的破壞,我們應著力避免製造大量垃圾,積極推動循環再用的理念–「少棄置,多珍惜」。
我深信只要每人都能實踐「少棄置,多珍惜」的生活態度,與我們攜手一起為環境保護作出貢獻,建立一個可持續發展的綠色香港。
佢地主席原文, 真係諷刺到不得了, 明明有熱心人士想捐家私, 佢地就話個warehouse滿左, 無幾耐就出post叫人捐錢, 咁呢段statement仲出來做乜, 呢個計劃唔係叫人重用家私咩.
PS, 既然warehouse滿左, 即warehouse大把家私啦, 拎去比呢家人咪得囉, 開post叫人捐錢做乜
9個讚
主席+小編一就無讀書, 一就佢地認知當中雲石地板、full set精油已經係家徒四壁, 當然另一更大可能係佢地想呃錢
4個讚